Imgerut 137 - Labrador Inuttitut Heritage Bible

Israelitit parngnanairsortaumalauktut Babeleme imgerutingat oguarutiksak.

¹ Babelib kôngine iksivalaukpogut, ᴋêalutalo Zione erᴋaumalaurangaptigo.

² Harfeᴋotivut nivingatilaukpavut nappârtunut tagvanêlauktunnut.

³ Tagvanele parngnanairsortautitipta imgerᴋolaukpâtigut, oᴋumaititiptalo ᴋuviasuᴋolaukpâtigut: Imgervigittigut Zionib imgerutingita illangenik!

⁴ ᴋannok Nâlekab imgerutâ imgerutigijaksarivittigo nuname takkorngartame?

⁵ Igvit Jerusalem puigorupkit, tagva tallerpiga puigortaule.

⁶ Oᴋara ᴋillamnut nippingalerle, igvit erᴋaumalungikupkit, Jerusalem anginerpaujomik ᴋuviasutigijauᴋolungikupko uvamnut.

⁷ Nâlegak Edomiut ᴋittorngangit erᴋaivigikit Jerusalemib uvlunganik, oᴋartut: Pêrmariklît, pêrmariklît, nungumarerᴋovlugit!

⁸ Babelib pannia asserortaumajotit, pilloringmêk akkiniarte illingnik pinnialauktarnik uvaptingnut.

⁹ Pilloringmêk ᴋittorngârsuᴋotingnik tigusijok serᴋomilugillo ujarᴋamut.