Imgerut 136 - Labrador Inuttitut Heritage Bible

Gûdib pitsiarningata tattamnartulliningitalo nertortauningit.

¹ Nalegak ᴋujagissiuk illanâᴋarmat; pitsiarninga îtsainarmat issoᴋangitomut.

² Gûdit tamaita Nâlegangat ᴋujagissiuk; pitsiarninga itsainarmat issoᴋangitomut.

³ Nâlekat tamaita Nâlegangat ᴋujagissiuk; pitsiarninga îtsainarmat issoᴋangitomut.

⁴ Tattamnartullidlartotôjok; pitsiarninga îtsainarmat issoᴋangitomut.

⁵ Sillatovlune ᴋillangmik senalauktok; pitsiarninga îtsainarmat issoᴋangitomut.

⁶ Nunamik issivititsilauktok imaksoarnut; pitsiarninga îtsainarmat issoᴋangitomut.

⁷ ᴋaumajunik angijunik sannalauktok; pitsiarninga îtsainarmat issoᴋangitomut.

⁸ Seᴋᴋinermik, aulatserᴋovlugo uvlormik; pitsiarninga îtsainarmat issoᴋangitomut.

⁹ Takᴋermik uvloritseniglo aulatserᴋovlugit unnuarmik; pitsiarninga itsainarmat issoᴋangitomut.

¹⁰ Egiptenemik annaunilauktok erniariᴋârtangine; pitsiarninga îtsainarmat issoᴋangitomut.

¹¹ Israelitiniglo aulartitsilauktok tagvangat; pitsiarninga îtsainarmat issoᴋangitomut.

¹² Aggangnut pitsartojunut, tallermullo issamijomut; pitsiarninga îtsainarmat issoᴋangitomut.

¹³ Imarbingmik iviktalingmik maggolêlauktok; pitsiarninga îtsainarmat issoᴋangitomut.

¹⁴ Israelitinik pissuktitsilauktok tagvûna; pitsiarninga îtsainarmat issoᴋangitomut.

¹⁵ Faraomik kattimgajoksoaᴋotinginiglo ajaktuilauktok imarbingmut iviktalingmut; pitsiarninga îtsainarmat issoᴋangitomut.

¹⁶ Inukotiminik tassiornilauktok sunaᴋajuitokut; pitsiarninga îtsainarmat issoᴋangitomut.

¹⁷ Attannersoarnik annauniktok; pitsiarninga îtsainarmat issoᴋangitomut.

¹⁸ Toᴋᴋotsijorlo attanernik sôngonelingnik; pitsiarninga îtsainarmat issoᴋangitomut.

¹⁹ Sihonemik Amoriterit attaninganik; pitsiarninga îtsainarmat issoᴋangitomut.

²⁰ Ogemiglo attanniolauktomik Basaneme; pitsiarninga îtsainarmat issoᴋangitomut.

²¹ Tunnijilauktok nunanginik kingormgutijauᴋovlugo; pitsiarninga itsainarmat issoᴋangitomut.

²² Kingormgutijamut kivgaminut Israelitinut; pitsiarninga itsainarmat issoᴋangitomut.

²³ Erᴋaumalauktok uvaptingnik nikkanarsârtaumatilluta; pitsiarninga îtsainarmat issoᴋangitomut.

²⁴ Piuliklilauktorlo uvaptingnik ômigijiptingnit; pitsiarninga îtsainarmat issoᴋangitomut.

²⁵ Nerᴋiᴋsamik tunijijok pingortitaminut tamainut; pitsiarninga itsainarmat issoᴋangitomut.

²⁶ ᴋillaub Gûdinga ᴋujagissiuk; pitsiarninga itsainarmat issoᴋangitomut.