Imgerut 130 - Labrador Inuttitut Heritage Bible

Tuksiarnek issumagijauneᴋaromamut ajortunnit.

Imgerut imgerutigilugo uvloksioriartortunnut Jerusalemut.

¹ Ittinermit nipliadlarpunga Nâlegak illingnut.

² Nâlegak nippiga tussalauruk, siutikik kamalîk ᴋennunima nippinganik.

³ Nâlegak igvit ajornerit akkileromagungne: Nâlegak kina îtsungnarniarᴋâ?

⁴ Illingne issumagijaujungnaineᴋarmat, sivôragijauᴋovlutit.

⁵ Nâlegak nerriugivara, tarniga nerriukpok, oᴋausingillo tattigivakka.

⁶ Tarnima Nâlegak uttakkivâ angiluartomik uvlâb pigârtinginit, uvlârmik uttakᴋijunnit.

⁷ Israelitit Nâlegak nerriugilitsuk; Nâlekame saimarveᴋarmat, piulijauneᴋarlunelo angijomik tâpsomane.

⁸ Tâpsomalo Israelitit piulijomârpait ajorninginnit illûnainit.