Imgerut 13 - Labrador Inuttitut Heritage Bible

Arusungnek ᴋemaktaunek Gûdemut pivlugo.

Davidib imgerutâ imgerutigilugo.

¹ Nalegak, ᴋannok sivitutigijomik puigormarigomavingâ? ᴋannok sivitutigijomik kênait ijerpiuk uvamnit?

² ᴋannok sivitutigijomik issumajârtuksauvîk tarnimne, kappiasuktuksaulungalo ômattimne uvlut tamaita? ᴋannok sivitutigijomik ômigijima ᴋagvervigijaksarivângâ?

³ Takkosalaurittôk, tussalungalo Nâlegak Gûdîk; ijîka ᴋaumaksarlaukik toᴋᴋolunga sinnisilerᴋonnanga.

⁴ Omigijiga oᴋarᴋonnago: ajugaulaukpunga tâpsomunga, akkerartortikkalo ᴋuviasulerᴋonnagit majangagama.

⁵ Tattigivarale saimaveᴋarosudlaravit; ômattima ikajornit ᴋuviagivâ; Nâlegak imgervigijomavara, taimak ajungitullivigingmanga.