Imgerut 129 - Labrador Inuttitut Heritage Bible

Gûde piuliklerteôvok innuᴋotiminik okkungatitaujunnik.

Imgerut imgerutigilugo uvloksioriartortunnut Jerusalemut.

¹ Tatteᴋattalaukpanga inuosungnimnit, taimak Israelitit oᴋarlît.

² Tattekattalaukpânga innuosungnimnit; sâlagilaungilângale.

³ Makpiteraijut tunnumne makpiterailaukput, ittersaᴋotitiglo takkijorortilaukpait.

⁴ Nâlekab idluartôjub Gûdeᴋangitut aklunângit kippilaukpait.

⁵ Illûnatik Zionemik illuluktut, kangusuktitaulit, uttimuartitaulillo.

⁶ Ilerlit iviksukatitut, iglut ᴋânginêtutitut, ᴋunnulertutitut nutsuktauᴋârtinagit.

⁷ Kibluijut tigumiarungnangitangit, kattersoijullonêt erᴋitsungnangitangit ᴋellaksorlugit;

⁸ Sannerᴋotullo oᴋarniaratik: Nâlekab pitsartutitsiningata ᴋollangiarlise, saimausertauᴋovapse Nâlekab attingane!