Imgerut 128 - Labrador Inuttitut Heritage Bible

Idluitailijut iglungata illinganinga.

Imgerut imgerutigilugo uvloksioriartortunnut Jerusalemut.

¹ Pillorikpok tâmna Nâlekamik sivôrajok, arvertartorlo tâpsoma apᴋosiningane.

² Aggakpît sullijangit inogutiksariniarpâttit; pilloringnarmêk igvit, issumanârpotit.

³ Nulliat nappârtotut Weineliksatut pitsornartotut îniarpok igloᴋotivît kinguane; ᴋittorngattit nappârtub orksuliub akkerungititut îniarput nerrimârveᴋotivît avatâne.

⁴ Ahâk, taimak angut pitsartutitauniarpok Nâlekamik sivôrajok.

⁵ Nâlekab pitsartutiniarpâtit Zionemit, takkoᴋovlutit Jerusalemib pilloringningenik inôsingne tamât.

⁶ Takkoᴋovlutillo ᴋittorngavit ᴋittornganginik. Israelitit ullapirsauteᴋarlît.