Imgerut 127 - Labrador Inuttitut Heritage Bible

Gûdib sullititsininga tamainik pivok.

Salomob imgerutâ imgerutigilugo uvloksioriartortunut Jerusalemut.

¹ Nalekab iglo sannangipago, tagva sullinatik sannavut sannanasuartut tâpsominga. Nâlekab iglugasaksuit sappumijarlungipagit, tagva pigârte sullinane pigârpok.

² Sullingilak uvlarasukut makkinapse, akkunîllo iksivagapse, nerriluselo nerᴋiksapsingnik siarklerluse; illanârijane tunnitsivigingmagit tamattominga sinniktillugit (sorlo),

³ Ahâk, ᴋittorngat Nâlekab tunnergutigivait, timiblo singainga pilliusiangôvok.

⁴ Sorlo ᴋarᴋjut pitsartojub agganginêtut, taimak nukapiarârsuit aglissikput.

⁵ Pillorikpok pittiksitaminik tattatjuteᴋartok taimaitunnik; tâpkoa kangusuktitauniangilat, ômigijimingnik ᴋachimioᴋattigêleraigunik itterviksoarme.