Imgerut 126 - Labrador Inuttitut Heritage Bible

Parngnanairsortaumalauktut Zionemiut piulijauninget ᴋuvianartok.

Imgerut imgerutigilugo uvloksioriartortunnut Jerusalemut.

¹ Nalekab parngnanairsortaumajut Zionemiut piulijomârpagit, tagva sinnaktomajutitut illingajomârpogut.

² Tagva ᴋannivut ᴋungatsungudlaromârput, oᴋavullo nertordlerutiksaᴋadlaromârput. Tagva nallojut akkorngane oᴋartoᴋaromârpok: Nâlekab angijomik piniarvigilaukpait.

³ Nâlekab angijomik pinniarvigilaukpâtigut; tamanna ᴋuviasutigivavut.

⁴ Nâlegak parngnanairsortaunivut uttertilauruk kôktutitut nuname seᴋᴋernganêtomêtutitut!

⁵ Kugviorlutik kangasuijut, ᴋuviasuklutik kattersijojomârput.

⁶ Arvertarput kugviorlutiglo, perortoᴋalerlutiglo pivianartunnik, ᴋailutiglo ᴋuviasuklutik, ᴋaitsilarmiglo kippitamingnik.