Imgerut 124 - Labrador Inuttitut Heritage Bible

Gûde ikajortivut.

Davidib imgerutâ imgerutigilugo uvloksioriartortunut Jerusalemut.

¹ Nalekab illagingipattigut, taimak Israelitit oᴋarlît;

² Nâlekab illagingipattigut, inuit kippalijarangattigut;

³ Tagva ênajarpâtigut inôtilluta, ningarningata illungertorvigikpattigut;

⁴ Tagva imersuit ippitinajarpâtigut, kôksuit tarnivut ullutjautinajarpait.

⁵ Tagva imersuit angijut tarnivut ullutjautinajarpait.

⁶ Nâlegak nertortaule, tunijilaungitok uvaptingnik aksârnigaksauvluta tâpkoa kigutinginnut.

⁷ Tarnivut anigoimavut, sorlo tingmiab nigartortib niganganit; nigak kiktorarsimavak uvagullo piulijaumavogut.

⁸ Ikajortaunivut Nâlekab attinganêpok, ᴋillangmik nunamiglo sannalauktub.