Imgerut 122 - Labrador Inuttitut Heritage Bible

Jerusalemib ânanaudlarninga.

Davidib imgeruta imgerutigilugo uvloksioriartortunnut Jerusalemut.

¹ ᴋuviasukpunga oᴋautileraikpânga: Nâlekab iglunganut itterta.

² Ittikkavut Jerusalemiôjotit itterviksoarne nangerput.

³ Jerusaleme iglugasalliorsimatsiartotit iglugasaksoatitut attausingortitaumajutitut.

⁴ Kinguvârêt majorarvigijaksangat, Nâlekab kinguvârêngita, (Gûdib) perᴋojanga Israelitinnut (malliklugo), Nâlekab attinga ᴋujagilugo.

⁵ Tagvanele iksivautat nappatitauvut idluarsainermut, Dâvidib iglungata iksivautangit.

⁶ Jerusaleme pilloringnermik peᴋarᴋogissigik. ᴋanoêngitsiarlît naglingniktut illingnik.

⁷ Ullapirsauteᴋarle avaloksoarpît illuane, iglutsiaᴋotingnelo pilloringnartoᴋarle.

⁸ ᴋattangutikka illanârijakkalo pivlugit ullapirsauteᴋarᴋojomavagit.

⁹ Nâlegapta Gûdipta iglunga pivlugo, idluarᴋutiksarnik ᴋênnerasuaromavunga.