Imgerut 121 - Labrador Inuttitut Heritage Bible

Israelitit udsertortinget.

Imgerut imgerutigilugo uvloksioriartortunnut Jerusalemut.

¹ Arlorpunga ᴋakᴋannut ikajortaunermik tikkiutjivigijamnut.

² Ikajortaunera Nâlekamit pivok ᴋillangmik nunamiglo sannalauktomit.

³ Tâpsoma ittikkattit ᴋoitarᴋoniangilait, serngnigijillo sinnilungilak.

⁴ Ahâk Israelitit udsertortinget sinningilak sikkungingilarlonêt.

⁵ Nâlekab sappumijarpâttit; Nâlegak tachalinerivat aggakpît tallerpikpît ᴋângene.

⁶ Uvlôtillugo seᴋᴋinermut kappijauᴋonak, takᴋermullonet unuarme.

⁷ Nâlekab sapputivâtit ᴋannoêtunnit tamainit; tarnît sappumijarpâ.

⁸ Nâlekab anninît sapputivâ itternîllo mannamit issoᴋangitomut.