Imgerut 120 - Labrador Inuttitut Heritage Bible

Arusungnek ômisuktut kassêtut pivlugit.

Imgerut imgerutigilugo uvloksioriartortunnut Jerusalemut.

¹ Siorniornimne ᴋaigarsukpunga Nâlekamut, tâpsomalo tussarpânga.

² Nâlegak, tarniga piulilauruk ᴋannernit saglonelingnit, oᴋannit nallagôngitunnit.

³ Sunamik oᴋab nallagôngitub pinniarvigijungnarpâtît? sumiglo sullijungnaralloarᴋâ?

⁴ Sôngojub ᴋarjungititut ipiktutitut îpok, ikkomatut kigutangernaujaᴋutit akkornganêtotut.

⁵ Kappianamêk uvanga tujormiangôgama Mêsechit akkorngane, igloᴋariaᴋaramalo Kêdarit tuppingita akkorngane!

⁶ Tarniga sivituksarpok akkunît igloᴋarlune tâpᴋonane ullapirsauteᴋarnermik ômisuktunne.

⁷ Uvanga ullapirsauteainarasuarpunga, uvangale oᴋaraiguma tagva tâpkoa unatadlalerput.