Imgerut 12 - Labrador Inuttitut Heritage Bible

Tuksiarnek okpertoᴋattigêngnek piganerᴋojomavlugo.

Davidib imgerutâ imgerutigilugo noakseralingnut.

¹ Iᴋajulaurit Nâlegak, ivsornaitut illangersimangmatta, okpertullo ikkitôlerput innut ᴋittorngangita akkorngane.

² Saglojunik oᴋautiutivut; kangasinângnut piangnartunnut, ômamullo maggogusertomut oᴋarput.

³ Nâlekab pêjarligit kangasinângnerit piangnartut illunaita, oᴋarlo pimariuterlune oᴋartok.

⁴ Oᴋartut: Oᴋaptingnut attanniotijomavogut, kangasinâpta illigivâtigut, kina nalegarivitigô?

⁵ Pattangajut tagva asserortaungmatta, aklujullo annersaungmingmatta, parngnaileromavunga, Nâlegak oᴋarpok; ikajornermik saᴋᴋêvigijomavara tâmna kêmitiktok tamattominga.

⁶ Nâlekab oᴋausingit illaᴋangilat Silberetut 7 sêpiatolune illaᴋarungnaititaumajotut ukkusingme maggaujome.

⁷ Igvit Nâlegak udsertorniarpâttit, sapputiniarlugillo kinguvarênit ipᴋonangât issoᴋangitomut.

⁸ Illûnane Gûdeᴋangitoᴋadlarpok saksârtunik, uivênek sugalulerpât Inuit ᴋittorngangita akkorngane.