Imgerut 116 - Labrador Inuttitut Heritage Bible

ᴋujalijutiksak piulijaunek ᴋanoêtomit pivlugo.

¹ ᴋuviasutigivara Nâlekab nippiga ᴋennunikkalo tussarmagit;

² Siutinga manningmago uvamnut; tamanna pivlugo inôsera nâvlugo nipliavigijomavara.

³ Toᴋᴋub aklunângita napperlaukpânga, kappianartoviublo kappianarningata uvigalaukpânga, ogguarnartomut kappianartomullo pilaukpunga.

⁴ Nâlekable attinga nipliavigilaukpara: Nâlegak, tarniga piulilauruktôk!

⁵ Nâlegak saimarveᴋarpok idluarlunelo; Gûdivullo nâpkoarosukpok.

⁶ Nâlekab issumalingasuitut sapputivait. Sâlagijauleraiguma, tagva tâpsoma ikajorpânga.

⁷ Manna saimalermît tarnîk, Nâlekab, ajungitullivigingmattit.

⁸ Igvit tarniga nussulaurangne toᴋᴋomit ijîkka ᴋugveᴋanermit, ittiggakka ᴋoitarnermit.

⁹ Arvertarniarpunga Nâlekab sângane inôjut nunangane.

¹⁰ Okperpunga, tamanna pivlugo oᴋarpunga. Angijomigle siorniortitauvunga.

¹¹ Mungonimne oᴋalaukpunga: Inuit illûnatik saglotôvut.

¹² ᴋannok Nâlegak akkiniarvigijaksarivigo ajungitullininginik tamainik piniarnerijanginik uvamnut?

¹³ Ermgusiârsuk innûlijaunartok tigujomavara, Nâlekablo attinga oᴋâlautigijomavara.

¹⁴ Angernerilauktamnik Nâlegak akkilêvigijomavara, innugasaksoaᴋotingita illûnatik sânginne.

¹⁵ Ivsornaitoᴋotingita toᴋᴋungit ivlerijauvut Nâlekab sângane.

¹⁶ Nâlegâk, kivgarivarma; kivgarivarma kivgavit arnab ernerivânga. Kellarutikka ᴋellarudjarlaukpattit.

¹⁷ Igvit ᴋujalinermik tunitsivigijomavagit, Nâlekablo attinga oᴋâlautigijomavara.

¹⁸ Angernerilauktamnik Nâlegak akkilêvigijomavara, inugasaksoaᴋotingita illûnatik sângine.

¹⁹ Nâlekab iglungata avalungita illuane, illingne Jerusalem. Hallêluja.