Imgerut 114 - Labrador Inuttitut Heritage Bible

Gûdib ânanausijauninga aulartitsininganut Israelitinik Egiptenemit.

¹ Israelitit aularmatta Egiptenemit, Jakokut innuᴋattigêksoarnit takkorngartannit:

² Tagva Judakut ivsornaitoviôlaukput tâpsomunga, Israelekullo nâlegauviôlaukput.

³ Immarbik takkolaukpok tamattominga ᴋemâlunelo; Jordane uttilaukpok;

⁴ ᴋakᴋat ᴋiggertalaukput saugârsuktitut, ᴋakᴋârulaillo saugarᴋatitut.

⁵ Sulauᴋit igvit immarbiôjotit ᴋemâlauravit? igvillo Jordaneojotit uttiûrlauravit?

⁶ Illipse ᴋaᴋᴋaujose, ᴋiggertarlaurapse saugârsuktitut? ᴋakᴋârulaujose saugarᴋatitut?

⁷ Nâlekab kênangata sângane sajukpiludlarit nunnaujotit, Jakob Gûdingata kênangata sângane;

⁸ ᴋairtomik ablatsângortitsijub tatsermut immilingmut, ujarᴋamiglo immektarvingnut.