Imgerut 110 - Labrador Inuttitut Heritage Bible

Nallautainek Kristusemik attanniôjomik issoᴋangitomik, ajochertuijersoangôjomiglo.

Davidib imgerutâ.

¹ Nalegak oᴋalaukpok Nâlekamnut: Tallerpingma tungânut ingitit, ômigijingnik illijerᴋârtinanga ittikavît ikovranganut.

² Nâlekab nâlegauvikpît opigijaujutiksanga tillijomârpâ Zionemit: Attanniotilerit ômigijivit akkorngane.

³ Sâlaᴋarnivît uvloksoangane inuᴋotivit malligomârpâtit ᴋunnutuidlutik, ânanausijaunelijarlutik ivsornaitomik. Inûtsûᴋotitit tikkilerput illingnut mitsuksoaktut ᴋaub aupalungningata sânganit sorlo.

⁴ Nâlegak oᴋamarilaukpok, ᴋaᴋᴋialerniangilarlo tamattominga: Ajochertuijôvotit issoᴋangitomut, Melchisidekib illinganingattut,

⁵ Nâlekab tallerpingnêtub attannît egilugit serᴋomitsomârpait ningarnime nalliuningane.

⁶ Erᴋartuijomârpok nallojut akkorngane, (nunna) tattatitsomârpâ toᴋᴋungajunnik; nunaksuit attanningat egilugo serᴋomitsomârpâ.

⁷ Apᴋomêdlune kôngmit immeromârpok; tamanna pivlugo niaᴋone kagveromârpâ.