Imgerut 11 - Labrador Inuttitut Heritage Bible

Tatteᴋarnek Gûdemik idluartôjomik unangmijaunerme ômisuktunnut.

Davidib imgerutâ imgerutigilugo.

¹ Nalegak tattigivara; ᴋannok tagva tarnimnut oᴋarᴋisê; ᴋemâleritse tingmiatut ᴋaᴋᴋapsingnut?

² Ahâgle Gûdeᴋangitut pittikse ᴋelluvât, ᴋarᴋjaᴋotitiglo illivait noᴋaktemut, angigutsivlutik idluitailijut pittijomavlugit tâpkonunga.

³ Tungavingmik asseroingmatta; sunamik tagva idluartok piniarungnarᴋâ?

⁴ Nâlegak Tempeleᴋotiminêpok ivsornaitome; Nâlekab iksivautanga ᴋillangmêpok; ijigik tautukpuk, ijingminullo nautsertorpait Inuit ᴋittorngangit.

⁵ Nâlekab idluartok nautsertorpâ; tarningatale Gudeᴋangitok pinniarlungnerniglo naglingniktut ômigivait.

⁶ Sillaluᴋojijomârpok Gûdeᴋangitunnut ᴋaumalangnik; ikkoma, orksoruglo, annorelo ônadlartok, ermgusiangeta piksarivait.

⁷ Nâlegak idluarmat, idluarnerlo ᴋuviagivâ, kênangata idluitailijut takkonârpait.