Imgerut 103 - Labrador Inuttitut Heritage Bible

Imgerut nertordlerutiksak Gûdemik nâpkigosuktomik.

Davidib imgerutâ.

¹ Tarnik Nâlegak nertoruk, illumalo tamât attinga hailigeojok;

² Tarnîk Nâlegak nertoruk, puigorniarnaglo sunamik ajungitullivigilaungmattit.

³ Issumagijungnainiktok ajornernik tamainik; inûliklertorlo ᴋannoênernik tamainik;

⁴ Piuliklertok inôsernik asserornermit; niaᴋosêjok illingnik, saimarveᴋarnermik nâpkiningnermiglo.

⁵ Kanernik namaksititsijok ajungitomik, inuosungormerᴋovlutit nektoraliktut.

⁶ Nâlekab illûnaita idluitulliviôjut idluarnermik idluarsainermiglo sakᴋêvigivait.

⁷ Tâpsoma Môse apᴋotiminik ᴋaujitilaukpâ, Israeliblo ᴋittorngangit pinniarnerminik.

⁸ Nâlegak nâpkigosukpok, saimarveᴋarosuklunelo, ᴋenuêpok pitsiartoksôlarmelo.

⁹ Suatsainarniangilak, issoᴋangitomullonêt ningarosugomângilak.

¹⁰ Piniarvigingilâtigut ajornivut malliklugit, akkilungilâtigullo idluitullinivut malliklugit.

¹¹ ᴋillaub pôktoningatut nunamit, taimak angitigijôvok saimarveᴋarninga, sivôragijinginut.

¹² Uvlâb ungasingningatut unnungmit, taimak ungasiktigitipait tappanivut uvaptingnit.

¹³ Sorlo atatab ᴋittorngat nâpkigingmagit, taimak Nâlekab sivôragijine nâpkigivait.

¹⁴ Illitarksingmat ᴋannok sannajaumangâpta, erᴋaumavok sanniôgapta.

¹⁵ Innub uvlungit iviksukatitut îput; nuvugolâktârpok nuvugolâktut natername.

¹⁶ Anorib ᴋângagôrvigikpago, tagva tagvanêtsungnaipok, innigilauktangalo illitarijaujungnaipok.

¹⁷ Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;

¹⁸ Tâpᴋonane angersimaninganik nâlektunne, erᴋaumajunnelo perᴋojanginik, tâpkoa malliklugit arvertaromavlutik.

¹⁹ Nâlekab iksivautane âᴋiksimavâ ᴋillangme, attaniôvingalo attanniotivok tamaitaksoarnut.

²⁰ Nâlegak nertorsiuk, illipse Engeleᴋotingit, sôngojoksôjose, perᴋojanginnik pinniartose, oᴋausingita nippingat tussartauᴋovlugo.

²¹ Nâlegak nertorsiuk kattimgajoᴋotingit illûnase, kivgaujose tâpsomunga pijomajanganik pinniartose.

²² Nâlegak nertorsiuk, pinniarningit illûnase, nâlegauvingane illûnâne. Tarnîk Nâlegak nertoruk!