Imgerut 101 - Labrador Inuttitut Heritage Bible

Attanniub tachartûtâ.

Davidib imgerutâ.

¹ Saimarveᴋarnek idluarnerlo imgerutigijomavâka; igvit Nâlegak nipliajorvigijomavagit.

² Ittaktorlunga nallâgôrlungalo arvertaromavunga tikkileraigumga; ômattelijarlunga idluitailijomik arvertaromavunga iglumne.

³ Idluitomik ᴋajusilungilanga. Tappatôjut piniarningit ômigivakka, taimaitorlo uvamnêtsainarᴋolungilara.

⁴ Omattelik mumiksimajomik nûleriaᴋarpok uvamnit; idluitok illitarijomangilara.

⁵ Inuᴋattiminik angigutsivlune kiggoijok nungupara. Tâmna pijomalungilara piojorijomik tautugaᴋartok, angutausertomiglo ômattelik.

⁶ Ijîngma nertornartut nunamêtut kenâvait, tâpkoa uvamnêᴋovlugit; apᴋosinernik idluartunik attortok kivgarijomavara.

⁷ Inuit nallâgôngitut iglumnêtsainarlungilet, saglojut perorsalungilat uvamne.

⁸ Uvlarârsukut Gûdeᴋangitut nuname illûnaita nungutsomavakka, pêjairᴋovlunga idluitullijunik illûnainik Nâlekab iglugasaksoaᴋotinginit.