Imgerut 1 - Labrador Inuttitut Heritage Bible

Idluartut apᴋosiningat pilloringnartok, Gûdeᴋangitullo apᴋosiningat pilloringnangitok.

¹ Pilloringmek tâmna arvertarlungitok Gûdeᴋangitut ᴋajusimakattigêngningat malliklugo, tullerajarilungitorlonêt ajortullijut apᴋutânnik, iksivalungitorlonêt mittauteartut iksivavigijanginne;

² ᴋuviasuteartorle Nâlekab malligaksauᴋojanginnik, oᴋauteartorlo tâpsoma malligaksauᴋojanginnik uvlôtillugo unnuamelo.

³ Tâmma nappârtotun-îpok illijaumajotut kôgut (imiggit) sinânut, paungalertotut nalliunermine; millukattanginniglo kunulerviolungitotut; sannaningillo sullitsiarput.

⁴ Gûdeangitulle taimaingilet, sanniktitulle, tiktaujutitun annoremut iput.

⁵ Taimaimat Gûdeᴋangitut erᴋartortaunermê nâmagijaungilât, idluitullijullonêt idluartut illagêngninginêtsungnangilat.

⁶ Nâlekab idluartut apᴋosiningat illitaringmago, Gûdeᴋangitulle apᴋosiningat nungujomârpok.