Imgerusersoak 6 - Labrador Inuttitut Heritage Bible

Nagligijaujub nulliaksab nertortauninga.

¹ Illanarijara attersârsimavok perorsêviᴋotiminut, perorsêviârsungnut mingoarutiksaksalingnut tippitsiariktunik, nerrijomavlune, perorsêvingne paunaujaujartuniglo nappitsijomavlune.

² Illanarijara pigivara, tâpsomalo pigivânga, paunaujaujartut akkornganne nerrijub.

³ Ananauvotit illanarijâk, (arnak) Tirzatut, takkoranidlarpotit Jerusalemetut, kappianadlarpotillo soruktuksatitut kattimgajutitut.

⁴ Ijikik allartikik uvamnit, tâpkoa sâlagingmanga. Nujatit tuktungajutitut kattimgajutitut, majoartutitut Gileademe iput.

⁵ Kigutit saukatitut kattimgajutitut ubvarvingmit pijutitut, illunatiglo attunît maggungnik nochaliktutitut nochasingitutitullo akkorngane iput.

⁶ Ulloakikpaungâlub Granatib koppangatut îpuk Mattummiutapit tunuani.

⁷ Arnat attanniojut 60-iuvut, pannervgallo 80-iuvut, uigasuillo kittiksaungilat.

⁸ Attauserle Taubeᴋotigivara, idluitailijoᴋotigivara. Attausek anânangata nagligijanârivâ, anerijaumajovorlo erniarijiminut. Panît takkolauramitsuk pilloringnerarpât; arnat attanniojut pannervgallo nertorpât.

⁹ Kinauvâ allakkârtok ᴋaub aupallungningatut, ânanaulune takᴋertut, annerijauvlune seᴋᴋinertut, kappianadlarlune sorsuktuksatitut kattimgajutitut?

¹⁰ Attersârsimavunga perorsêvingmut nappârtolingmut Nusseliksanik, takkojomavlugo tungojoktak kôb sanniane, takkojomavlunga nappârtok Weineliksak nuvugolâtârmangât, paungâluillo Granatit nuvugolâᴋarmangâtta.

¹¹ Kaujimalaungitunga ᴋillanârnima ikkitingmanga inugasaksuit angajoᴋangita aksalloaleᴋotinginnut.

¹² Utterlaurit, utterlaurit Sulamit, utterlaurit, utterlaurit, takkoᴋovluta illingnik. Sunamik takᴋovise Sulamiteme? Okigêsernermik Mahanaime.