Imgerusersoak 1 - Labrador Inuttitut Heritage Bible

Killanârnek Kristusemik; oᴋarᴋattigêngnek tâmna pivlugo, tâpsomingalo.

¹ Salomob imgerusersoanga.

² Tapsoma kuniklinga ᴋaningata kunningninganut; naglingnît nâmanersaungmat Weinemit.

³ Mingoarutiksaᴋotivît tippingat mamadlarpok; attit mingoarutiovok ᴋovijaumajok, tamanna pivlugo uigasuit nagligivâtit.

⁴ Amualaunga illingnut, tagva akpangerpogut. Attanniub tassiorpânga aiparuseᴋotiminut. ᴋuviasukpogut serrilutalo pivlutit; naglingnît issumaginersarivavut Weinemit. Idluitailijut nagligivâtit.

⁵ ᴋernertauvunga, innerᴋonadlarlungale, illipse Jerusalemib paningit, Kedaremiut tuppingititut, Salomob tullerarangititut.

⁶ Takkonârniarassinga, taimak ᴋernertigijôgama, seᴋᴋerngub taimak pallerlaurmanga. Anânama ᴋittorngangita ningarivânga. Udsertortingortilaukpânga perorsêvingnik Weineliksanik; perorsêvigale Weineliksak nangminerijara sapputilaungilara.

⁷ Oᴋautilaunga igvit tarnima erdligijanga, nanê mianersimangârpit, nanê merngoêrsermangârpit uvlub ᴋetterarningane? nangeriarᴋarᴋonanga kiksartotut illagijavit kattimgajoᴋotinginne.

⁸ ᴋaujimangikuvit tamattominga, ânanaunerpângôjotit arnat akkorngane: tagva ailerit saukat tuminginnut, mianersilutillo tagvane tuktungajoaraᴋotingnik, mianersijut iglungita ᴋannitanginne.

⁹ Adsiutipagit illanâra (arnak) horsinut ᴋemuktunut Faraub aksalloalinginne.

¹⁰ Ulloakik takkoranidlarpuk ujaralijarlutik pivianartunik, ᴋongesillo ᴋellaumgujalijarlune Goldeojunik.

¹¹ Mattarêkutinik Goldeojunik taksapatâlingnik Silbereojunik sannavigijomavaptigit.

¹² Attannek sâlermat tamaunga, tagva mingoaruteᴋotima tippine siamartipâ.

¹³ Illanârijara kippitatut Mirriojotut, iviangêngma akkornganêtsainartotut ipok uvamnut.

¹⁴ Illanârijara nuvugulâktut Coferemik atteliktut perorsêvingne Weineliksanêtotut Engidime ipok uvamnut.

¹⁵ Ahâk, illanâra (arnaujotit) ânanaudlarpotit; ilâ ânanauvotit, ijikik Taubit ijingititut îpuk.

¹⁶ Ahâk illanâra ânanauvotit takkoranidlarlutillo. Inangavivut tungojoksilerpok.

¹⁷ Iglupta ikângit Cêdereovut, illupiarutangit Cipressiovut.