II Samuel 7 - Labrador Inuttitut Heritage Bible

Davidib sanajomaninganik Tempelemik, angervioninganiglo Messiasemik. Tuksiarninganiglo.

¹ Attannek manna iglomine iksivagame, Nalekab mergoêrserviksamik tunnitsivigilaungmago omigijinginit avatanêtunit tamainit;

² Nallautaijomut Nathanemut oᴋarpok: Ahâk, uvanga iglo Cederinit sannamajok innigivara, Gudiblo iklervinga inneᴋarpok itsat attâne.

³ Nathanib attannek oᴋautiva: Ailerit, tamaita omattingnêtut pinniarniarkit, Nalekab illagingmattit.

⁴ Unuarmele Nalekab oᴋausinga tikkipok Nathanemut, oᴋarlunelo:

⁵ Ailerit oᴋarlutillo kivgamnut Davidemut: Imâk Nalegak oᴋarpok: Igvit iglolioraksarivinga taᴋᴋamane inneᴋarᴋovlunga?

⁶ Iglome inneᴋalaungitunga sulle uvlormit taipsomangat Israelitit Egiptenemit aularutilaurapkit, uvlok tamanna tikkilugo, agvertarlaukpungale tupperme, inneᴋartomelo.

⁷ Namullonêt Israelib ᴋittorngangit illunaita illagilugit agvertarlaurama; Israelib kinguvarêngita nalliat oᴋarᴋattigilauralloarpigit, perᴋolugit innuᴋotikka Israelitit pairilugit, oᴋarlungalo: Sôg igloliorlungipissinga Cederelingmik?

⁸ Taimak manna imâk oᴋartuksauvotit kivgamnut Davidemut: Imâk Nalegak Zebaoth oᴋarpok: Tigulaukpagit saukat mianerijauvinganit attanniojuksauᴋovlutit innuᴋotimnut Israelitinut;

⁹ Aiparilaukpagillo namut aivigilauktarnut, omigijitillo illunaita sivunerne pêjarlaukpakka, atteᴋartilaukpagillo angijomik, sorlo angijoksuit nunamêtut attingititut.

¹⁰ Uvangalo innuᴋotikka Israelitit inneᴋartitsomavakka, illijomavakkalo, tagvane nunaᴋarᴋovlugit, tamarnartovingmelo agvertarungnaiᴋovlugit, kassênerublo ᴋittorngangit tetjarungnaiᴋovlugit tapkoninga sivurnganetut.

¹¹ Nalliutomillo taipsomangamit idluarsaijunik pititsilaurama innuᴋotimnut Israelitinut; merngoêrsernermiglo tunnitsivigijomavagit omigijingnit illunainit. Nalekablo nallojungnaitipâtit, Nalekab igvit iglomik iglolioromangmattit.

¹² Manna nalliunît annigoromârpat, atâtagijattit illagallugit nallavlutit sinnigomâruvit, kinguvaksat, timingnit pijuksak kingunerne makkititsomavara, taimna attaniovinganik naᴋᴋitervigijomavara.

¹³ Taipsomalo attera iglolioraksariva, uvangalo attaniovingata iksivautanga soᴋᴋosijuititsomavara soraijuitomik.

¹⁴ Uvanga atâtaujomavunga taipsomunga, taimnalo erniojuksauvok uvamnut. Idluitullinermik piniarpat, innuit issaᴋautinginut, innuillo ᴋittorngangita annautanginut sugiaromavara;

¹⁵ Napkiningnerale pêrtaujuksaungilak taipsomangat, sorlo pêrlaurapko Saulemit, sivunerne pêjarlauktara.

¹⁶ Igluille, attanniovîllo soᴋᴋosijuituksauvuk issoᴋangitomut sângne, iksivautallo soraijuituksauvok issoᴋangitomut.

¹⁷ Nathanib oᴋautsit tamakkoa illunaita, takkotitsûglo tamana tamât oᴋautigijarêrmagit Davidemut;

¹⁸ Tagva Davide attannek ᴋaivok, nokᴋangalunelo Nalekab sângane, oᴋarlunelo: Kinauvîk Nalegak Nalegak! iglomioᴋatikkalo sunauvât, manna tikkidlugo âlauramga?

¹⁹ Tamannalo tappilugo tamanna suglugilaukpat Nalegak Nalegak! kivgaville iglunga oᴋarvigilaukpat sulle ᴋanningitut pijomârtullo pivlugit. Tamanna illusiôvok innub illusingatut, Gudeôjub Nalegaujublo.

²⁰ Sunamiglo Davidib anginersamik oᴋarᴋattigijaksarivâtit? Kivgait illitarivat Nalegak, Nalegak!

²¹ Oᴋautsitit pivlugit, omatteᴋotillo malliklugo taimaitunik pijariakortôjunik pinniarlaukpotit, kivgait nallojungnaitigangne tamakkoninga.

²² Tamanna pivlugo angijônasugijauvotit; illiktut itoᴋangimat, Gudeᴋangilarlo illiktun îtomik; tamaita siutiptingnut tussarlauktavut malliklugit.

²³ Nanele nuname innuᴋattigêksoaᴋaᴋa innuᴋotiktut Israelitititut? tapkoa pivlugit Gude ailaungmat innukotiksaminik piulikleromavlune, atteᴋartitsomavlune ingminut, pinniarnerniglo taimaitunik angijoksoarnik kappianartuniglo pinniarlune nunaᴋotingne, innuᴋotivit sângine, piulilauktavit illingnut Egiptenemit, nallojunit, Gudingoanginillo.

²⁴ Igvillo innuᴋotitit Israelitit innuᴋotingortilaukpattit illingnut soraijuitomik; igvillo Nalegak Gudiôlerlaukpotit tapkonunga.

²⁵ Taimak manna Nalegak Gude oᴋautsit tamakkoa oᴋauserilauktattit kivgait iglungalo pivlugik naᴋᴋiterkit issoᴋangitomut; pinniarlutillo sorlo oᴋalauravit.

²⁶ Tagva attit angijororniarpok issoᴋangitomut, oᴋartoᴋaromârᴋovlugo: Nalegak Zebaoth Gudeôvok Israelitinut. Kivgavillo Davidib iglunga soᴋᴋosijuijomârpok sângne.

²⁷ Igvit Nalegak Zebaoth Israelitit Gudingat, kivgavit siutinga angmarpat oᴋarlutillo: Uvanga iglomik iglulioromavagit. Tamanna pivlugo kivgavit omattine nachvarpa, tuksiarnerit tamakkoa tuksiarutigilugit illingnut piᴋovlugo.

²⁸ Manna Nalegak Nalegak! Igvit Gudeôvotit, oᴋautsitillo mikseᴋârnioniarput. Igvit ajungitut taimaitut oᴋautigilaukpattit kivgarnut.

²⁹ Taimak pigiarit manna, kivgavillo iglunga pitsartutilauruk, sângnetsainarᴋovlugo soraijuitomik; igvit Nalegak Nalegak! oᴋautigilaurangne, saimartitsinernullo kivgavit iglunga, saimartitaujomârpok soraijuitomik.