II Samuel 6 - Labrador Inuttitut Heritage Bible

Angersimanerub iklervingata ittertauninganik Jerusalemut ᴋuviasungnermut.

¹ Davidiblo ama angutit innuosuktut Israeleme illunaita kattitipait, 30,000 dit.

² Parngnailerporlo, ailunelo innugatsuit illagijane Judakunit illunatik illagilugit, aikleromavlune takpaunga Gudib iklervinganik, atteᴋartomik tukkelingmik imaitomik: Nalekab Zebaothib attinga ᴋângane inneᴋarpok, Kerubimib ᴋollâne.

³ Tapkoalo Gudib iklervinga ikkitipât aksalloalingmut nutâmaringnut, ailugolo Abinadab Gibeonemêtub iglunganit. Usable Ahioblo, Abinadab ernikita aksalloalik nutâk aulatipait.

⁴ Tapkoalo Gudib iklervinga illaliudlugo anningmatsuk Abinadab Gibeoneme nunaᴋalauktub iglunganit, Ahiolo iklerviub sivorngane pissuktillugo;

⁵ Davide, Israeliblo iglomioᴋotingit illunamasiatik nokakseralingnik sunatuinarnik, ᴋejungmit keblariktomit sannamajunik, attorput Nalekab sivurngane, Harfinik, Psalteriniglo ᴋillautiniglo, sivaniârsungniglo Cimbeleniglo.

⁶ Tikkimattalo Nachonib ᴋakᴋojaksalliorvinganut, Usab issakpa najumilugolo Gudib iklervinga, tuktuvait sangulermatta.

⁷ Tagva Nalekab Usa illungertorlune ningaumajarvigilerpa, Gudiblo annauva tagvane idluitullininga pivlugo, toᴋᴋoᴋovlugo Gudib iklervingata tungâne.

⁸ Tagva Davide kiksalerpok, Nalekab Usa taimak sugautilaungmago; innelo tamna taiva Perez-Usamik, uvlok tamanna tikkilugo.

⁹ Davidiblo uvlorme taipsomane Nalegak sivuragiva, oᴋarlunelo: ᴋannok Nalekab iklervinga uvamnut ᴋaijuksauva?

¹⁰ Ingminullo âtauᴋojomalaungila Davidib iglugasaksoanginut, âtauᴋovâle Obed-Edomib Gathemiub iglunganut.

¹¹ Nalekablo iklervinga takᴋit pingasut nâlugit Obed-Edomib Gathemiub iglunganetuarmat, Nalekab pitsartutipa, iglomioᴋattingillo illunaita.

¹² Attannerlo Davide oᴋautaulerpok tamattominga, Nalekab Obed-Edomib iglomioᴋotingit, tamaitalo pigijangit pitsartutimagit, Gudib iklervinga pivlugo. Tagva aivok aiklerlunelo Gudib iklervinganik Obed-Edomib iglunganit, takpaungartilugo Davidib iglugasaksoaᴋotinganut, ᴋuviasudlarlune.

¹³ Tapkoalo Nalekab iklervinganik akkigartut sivumualauᴋârlutik ablornernik pingasojortunik, tunnergumik tunnijijoᴋarpok tuktuvangmik attautsemik, saukamiglo ᴋoinijomik attautsemik.

¹⁴ Davidelo illungertorlune okigêserpok Nalekab sivurngane, tapserusersimalaukporlo ulliksoarmik sâtomik.

¹⁵ Davidiblo Israelitillo illunamasiatik Nalekab iklervinga takpaungartipât, igiaᴋomijarlutik, tiptulausijarlutiglo.

¹⁶ Nalekablo iklervinga Davidib iglugasaksoanginut tikkilermat, Michal Saulib panninga nuitavok igalakut, takkovâlo attannek Davide ᴋiggertartillugo okigêsertillugolo Nalekab sivurngane, nachogivâlo omattimine.

¹⁷ Nalekable iklervinga ittertingmatsuk, illivât inniksanganut, tuppiub Davidib tuppertorlauktangata tapsomunga ᴋerᴋânut. Davidelo tunnijivok tunnergutinik ôtaksanik ᴋujalijutiksaniglo Nalekab sângane.

¹⁸ Davidiblo tunnergutit ikkoalajaksat, tunnergutillo ᴋujalijutiksat tunnijarêramigit, innugatsuit saimartipait Nalekab Zebaothib attingane.

¹⁹ Aitortorpaillo innugatsuit illunaita, Israelib unnurningit, tamarmik angutit arnallo attunit niaᴋojârsumik sâtomik, abvakomiglo nerᴋemik, Weinemiglo oktut tattalugo. Tagva innugatsuit illunatik sangulerput attunît iglomingnut.

²⁰ Davidele uttermat iglomioᴋotine saimartitsomavlugit, tagva Michalib Saulib panningata pachreartorpa, oᴋarlunelo: ᴋannok ânanaudlalaukpok uvlome Israelitit attanningat, kivgame kivgangita arnat sângine anorairsimalauktok, sorlo innuit illuserluktut annorairpangmatta.

²¹ Davidele Michalemut oᴋarpok: Harfesijaromavunga Nalekab sângane, annerosulauktub uvamnik atatarnit taipsomalo iglomioᴋotinginit illunainit, perᴋolaungmanga attanniojuksauᴋovlunga Nalekab innuᴋotinginut Israelitinut;

²² Mikkinersauleromavungalo sulle tamattomangat, pijariakitonasugijomavungalo ijipkut, kivgallo arnat oᴋautigilauktatit illagilugit nertortaujomavlunga.

²³ Michalle Saulib paninga ᴋittorngaᴋalaungilak toᴋᴋome uvlunga tikkilugo.