II Samuel 4 - Labrador Inuttitut Heritage Bible

Isbosethib toᴋᴋotauninganik. Davidiblo akkiniarninganik toᴋᴋotauninganik.

¹ Saulible erninga tussarame Abnerib toᴋᴋotauninganik Hebroneme, aggangit nukkingêrotilerput, Israelitillo illunamasiatik ᴋoaksarput.

² Sauliblo erninga anguteᴋalaukpok maggungnik angajoᴋaujungnik sorsuktuksanut; aipanga atteᴋalaukpok Baenamik, aipanga Rechobemik, Rimonib Berothemiub ernigingnik Benjaminib ᴋittornganginit pijub. Beroth Benjaminekunut illingalaungmattauk.

³ Berothemiullo ᴋemâlaukput Gethaimemut tujormiangolutiglo tagvane, uvlok tamanna tikkilugo.

⁴ Jonathane, Saulib erninga erneᴋalaurivok, tamna ittikkamine tussialaukpok, Jareᴋalaukporlo tallimanik, pijoᴋalauktut Saule Jonathanelo pivlugik tussartautillugit Jesreelemit, pairijingatalo kivikpa ᴋemâlunelo; tuavilukârtillugolo ᴋemâlunelo, pâlakpok tussialerlunelo; atteᴋalaukporlo Mefibosethemik.

⁵ Taimak manna Rimonib Berothemiub ernigik Rechobe Baenalo aivuk, tikkilutiglo Isbosethib iglunganut, uvlub kiaᴋarpangoningane; innangavorlo innarvingmine ᴋetterartillugo.

⁶ Tikkipuglo iglub illuanut, ᴋakᴋojaksanik Waizenik aiklejûjâjumavlutik, kappivâglo nângagut ᴋemâlutiglo.

⁷ Iglomut ittermannik taimna nallavok sinigvingmine inarvingmine, kappivâglo toᴋᴋolermat, niaᴋungalo nakkarpâk, niaᴋungalo tiguvâk, aularlutiglo apᴋosinerme naternaksoakut pijome unnuak nâlugo.

⁸ Apâglo Isbosethib niaᴋunga Davidemut Hebronemut, oᴋarlutiglo attannermut: Ahâk tagva Isbosethib, Saulib erningata, omigijivit, tarningnik unangmiklerlauktub niaᴋunga; Nalekab uvlome angajoᴋara attannek akkiniarutigilaukpa Sauleme tapsomalo kinguvângine.

⁹ Tagva Davidib kiovak: Sorlo Nalegak mikseᴋârtomik inôngmat, tarnimnik piuliklerlauktok kappianartunit tamainit,

¹⁰ Taimna tigulaukpara nellonairsijok uvamnik, oᴋartorlo: Saule toᴋᴋungavok, issumaᴋalauktorlo pijoᴋartunik ajungitunik unipkarame, toᴋᴋolaukparalo Ziklageme, akkilertauniarasugitillugo uvamnut, unipkautsine pivlugit.

¹¹ Inûglo idluitoâluk ukkoa angut idluartok toᴋᴋolaukpâk iglungane, inangavingane. Illa auk tamanna ᴋaiᴋojaksaringipigo aggapsingnit, illiptiglo pêrlutik nunamit?

¹² Davidiblo innuosuktoᴋotine perᴋovait; tapkoa toᴋᴋopakit, aggangillo ittiggangillo nakkarpait nivingatilugiglo tatsib kiglingane Hebronemêtome. Isbosethible niaᴋunga tiguvât illijartorpâllo Abnerib illuvinganut Hebronemêtomut.