II Samuel 20 - Labrador Inuttitut Heritage Bible

Pikabladlartub Sebab unangmijauninganik, toᴋᴋotauninganiglo. Amasab toᴋᴋotauninganik.

¹ Anguteᴋalaukporlo tagvane illitarijaujomik kuksalaitomik, Sebamik attelingmik, Bichirib, angutib Jeminib kinguvânginit pijub erninganik; tapsoma tiptulaut tiptulausijautigiva oᴋarlunelo: Illangiutiviᴋalungilagut Davidemik, kingormgutijaksaᴋaratalonêt Isaib erningane. Israelitiôjut illunamasiatik attunît ailerlit igloᴋotimingnut!

² Tagva Israelitit illunamasiatik Davide allarpât, mallikpâllo Seba Bichrib erninga. Judable angutingita attanneᴋotitik attâvigivât Jordanemit Jerusaleme tikkilugo.

³ Attanerle Davide angerarsimalerame Jerusalemut, pannervget tallimaujortut ᴋemmalauktane iglomik paiᴋovlugit tiguvait, pitilaitalo pairijauvingmut, pattangaitilugillo, sinniᴋattigilungilaille. Taimaglo parngnanairsortaulaukput toᴋᴋotik tikkilugit, innôlutiglo uigarniojutitut.

⁴ Attannerlo Amasamut oᴋarpok: Angutit Judame, illunaita ᴋaiᴋokit, ᴋaiᴋovlugit uvluk pingajuane; igvillotauk tamâne nangertuksauvotit.

⁵ Amasalo aivok Judamiut ᴋaiᴋolugit; nalliutorle tailauktanga tapsomunga ᴋangiupa.

⁶ Tagva Davide Abisaimut oᴋarpok: Manna Seba Bichrib erningata anginersamik kiksartiniarpâtigut Absalomemit. Igvit angajoᴋavit kivgangit tigukit, udlalugolo, iglugasaksoarnik sôngojunik ingminut nachvarᴋonnago, ᴋemâᴋonnagolo ijiptingnit.

⁷ Tagva aularput tamna malliklugo Joabib angutingit illunatik, taimaktauk Kretillo Pletillo, sôngojullo illunatik. Aularpulle Jerusalemit, Seba Bichrib erninga udlalugo.

⁸ Ujarasuksoarmêtillugille Gibeonemêtome Amasab sivurngitorpait. Joabele tapserusersimalaukpok annorame attortame ᴋângagut, tapsomalo ᴋângagut tapserutemiuteᴋalaukpok saviksoarmik, tamna ᴋenailitamêdlune nivingavok tapsoma makkitingane, sivumuartillugolo tamna amuvok kattaklunelo.

⁹ Joabiblo Amasa oᴋautiva: Ullapirsauteᴋalerit ᴋattangutîk! Joabiblo aggangminut tallerpingminut Amasa tiguva umingittigut, kunnigomavlugo.

¹⁰ Amasablo saviksoak Joabib agganginêtok kamatsoliorpa; tapsomalo tamattomunga kappiva nângagut, erchavingit kattangmatta nunamut, kappipsarlaungilâlo, toᴋᴋolaukporlo. Joabible angajuatalo Abisaib Seba Bichrib erninga udlalaukpâk.

¹¹ Joabiblo anguteᴋotingita illangata nangeriartorpa sannianut, oᴋarlunelo: Nalliat Joabemik ᴋuviasuteᴋartok, Davidemullo illingajok, mallilerle Joabemik!

¹² Amasale nellavok aungme aksasimavlune apᴋosiniub ᴋerᴋane. Illangalle takkogame innugatsuit illunatik tagvane nokᴋarmatta, Amasa nûpa apᴋosinermit perorsêvingmut, egitsilunelo anorânik tapsoma ᴋânganut, takkogame, illunatik tikkitut tapsomunga nokᴋarmatta.

¹³ Manna apᴋosinermit pêrsimangmat, illunatik attunît Joabe mallikpât, Seba Bichrib erninga udlajomavlugo.

¹⁴ Ingergavorlo Israelib kinguvarêngittigut illunaitigut, Abelemut, Beth-Maachamullo, Habarimemullo illunânut; tapkoalo kattimalerput mallikpâllo.

¹⁵ Tikkilutiglo, illumavâllo Abeleme Bethmaachemelo, tallumiglo illijivut iglugasaksuit avatâtigut, avalunullo tikkiput, innugatoksuillo illunatik Joabib illagijangit aksorotjivut avalullo ochotitsomavât.

¹⁶ Tagva arnak sillatojok iglugasaksoarnint ᴋaigarsukpok: Nalegitse! nalegitse! Joabe oᴋautisiuk, tamaungarᴋovlugo; oᴋarᴋattigijomavara.

¹⁷ Tikkimagolo, arnak oᴋarpok: Joabeovît? Tamna oᴋarpok: Ahaila. Arnab oᴋautiva: Kivgavit arnab oᴋausingit tussarkit. Tamna oᴋarpok: Tussarpunga.

¹⁸ Arnak oᴋarpok: Itsak oᴋartoᴋarpakpok: Kina appertsuteᴋarpat, tamna appertsorle Abeleme; taimaglo idluartomik illinganeᴋarpalaukpok.

¹⁹ Uvanga iglugasaksoarnut ᴋennuᴋajuitunut nertornartunullo Israelemetunut illingavunga; igvillo iglugasaksuit anânalo Israeleme asseroromavigit? Sog Nalekab kingormgutijanga nungutsomaviuk?

²⁰ Joabe kiovok oᴋarlunelo: Tamanna ungasigle, tamanna ungasigle uvamnit, nungutsijuksaunajarama, asseroijuksaunajaramalo; taimailingalungilak.

²¹ Angutible Efraimib ᴋaᴋᴋanginit pijub, Sebamik attiggub, Bichrib erningata, attannek Davide pikablavigilugo akkerartorlaukpa. Tamna kissimiovlune tunnilersiuk, tagva iglugasaksoarnint nûtsomavunga. Arnab Joabe oᴋautiva: Ahâk niaᴋoa egitaujuksauvok illingnut avalut ᴋollâtigut.

²² Arnarlo ᴋamunga tikkipok innugatoksoarnut illunainut sillatunerminut. Tapkoalo Sebab Bichrib erningata niaᴋunga nakkarpât, egilugolo Joabemut. Tagva tapsoma tiptulaut tiptulausijautigiva, tapkoalo siamalerput iglugasaksoarnint, illunatik attunit iglomingnut. Joabele uttilerivok Jerusalemut attanermut.

²³ Joabele angajoᴋaulakpok Israelib sorsuktuksaksoanginut illunainut. Benajalo Jojadab erninga angajoᴋaulakpok Kretinut Pletinullo.

²⁴ Adoramelo pimaklerteôlaukpok, Josafatelo Ahiludib erninga, aglakteolaukpok attanioviub pijoᴋarninginik.

²⁵ Seja aglakpakteôlaukpok. Zadok Abjatharelo ajochertuijolaukpuk.

²⁶ Taimaktauk Ira Jairemiok attanertuijolaukpok Davidemut.