II Samuel 17 - Labrador Inuttitut Heritage Bible

Ahitofelib attannertuiningata sillatojub, unatadlarnek pivlugo, agviartauninganik. Tapsoma ᴋevilerninganik ᴋimingninganiglo ingminik.

¹ Ahitofelo Absalomemut oᴋarpok: Angutit 12,000dit annerijomavakka, parngnaileromalungalo, Davidelo udlajomavara unnuangotillugo,

² Opingâromavaralo merngortortillugo ajalutillugolo. Tagva ᴋoaksartigupko, innugatoksuillo illagijangit illunatik kemâlerpatta, tagva attannek kissiat ullimaromavara.

³ Innugatoksuillo illunaita uttertitsomagivakka illingnut. Illunatiglo illingnut âtaulerêrniarpatta sorlo tussugavit, tagva innugatsuit illunatik ullapirsautelingmetuarniarput.

⁴ Absalomib tamanna idluarasugiva, angajoᴋaunerôjullo Israelemêtut illunatik.

⁵ Absalomele oᴋarpok: Husai Arachimiok ᴋaiᴋojaulaungmile, tussartalo ᴋannok tapsoma oᴋarninganik tamanna pivlugo.

⁶ Husai ittermat Absalomemut, Absalomib oᴋautiva: Imaitunik Ahitofele oᴋauseᴋalaukpok; igvit oᴋalaurit, taimailiortuksauvita, taimailiortuksaungilagullonêt?

⁷ Tagva Husai oᴋarpok Absalomemut: Attannertuinek Ahitofelib saᴋᴋertanga tamattomane, attannertuiniôlungilak namatsiartok.

⁸ Husailo oᴋapsarivok: Atâtait illitaritsiaralloarpat, innuᴋotingillo sôngojoksôngmatta, ningaumajadlarmattalo issumamikut aklatut piarᴋaminik aksartaumajotut natername; tamannalo tappilugo atâtait angutiôvok unatadlarnermik sungiusimajok, siglotoniangilarlo innugatsuit illagellugit.

⁹ Ahâk, imaᴋᴋâ ijerpallaivok manna ittersat illanganut, assianullonêt inniksamut. Pijoᴋarajarpat tagva, sivurlerpamik pijaungimat, nipliartoᴋarajarpallo oᴋartomik: Sorsungneᴋalaukpok innugatsuit Absalomemik malliktut akkorngane;

¹⁰ Tagva illunatik attunit maksoajungnailerajarput, sorsugungnartorlotauk aglat, omatteᴋartorlo Loewetut. Israelitit illunamasiatik ᴋaujimangmatta atâtait sangijoksôngmat, illagijangillo sorsugungnartôngmatta.

¹¹ Tamattomingale attannertuivunga, kattersiᴋovlutit illingnut Israelinik illunamasianginik, Danemit Bersaba tikkilugo, taimak unnuktigijunik siorᴋatitut immarbiub siksanganêtutitut; igvillo nangminek akkornganêdlutit aularᴋattigilugit piᴋovlutit.

¹² Tagva opingâromavavut nâne nennisivigijaptingne taipsominga, tikkidlaromavavullo sorlo mitsuksoak nunamut kattangmat, amiakokarkojikonnata tapsominga, anguteᴋotinginillo attautsemiglonêt.

¹³ Iglugasaksuillo illanganut tikkisimalerpat, tagva Israelitit illuêngarlutik iglugasaksuit tamakkoa aklunânut napperaksarivait, aksorortilugillo kôngmut, nachvartoᴋarungnaiᴋovlugo tagvane, ujarârsumik attautsemiglonêt.

¹⁴ Tagva Absalome Israelitillo illunamasiatik oᴋarput: Husaib Arachimiub attannertuininga namanersauvok Ahitofelib attannertuininganit. Nalekable taimailingatipa Ahitofelib attanertuininga sillatôjok agviartauᴋovlugo, Nalegak ᴋanoêtomik pititsiᴋovlugo Absalomemut.

¹⁵ Husailo Zadokemut Abjatharemullo ajochertuijungnut oᴋarpok: Imâglo, imaglo Ahitofelib Absalome angajoᴋaunerôjullo Israeleme attannertorlaukpait; uvangale imâk imâglo attannertuilaukpunga.

¹⁶ Taimak manna tuavi tillikleritik, Davidelo oᴋautsaukolertikko, oᴋarlutiglo: Nokᴋanganiarnak unnuak nâvlugo sunaᴋajuitub naternangane, ikârasualerille, attannek êjauᴋonago innugatsuit illagijingit illagelugit.

¹⁷ Jonathanele Ahimaazelo nangerpuk immektarvingme Rogelemik attelingme, arnablo kivgaub oᴋautijartorpâk tamattominga. Tapkoalo aivuk tagvunga, attannerlo Davide oᴋautijartorpâk tamattominga; takkotijuksaungimanik, iglugaseksoarnut tikkinajarlutik.

¹⁸ Nukapiable takkovak, Absalomelo oᴋautiva tamattominga. Tapkoale tuavilukarlutik aivuk, tikkilutiglo Bahurimemut, angutit illangata iglunganut; taimna avaluteᴋotingita illuane immektarviᴋarpok, tapkoalo akᴋarpuk takkamunga.

¹⁹ Arnablo kebbik tigulugo issivilâlo immektarviub pângata ᴋollânut, kakkojaksallo serᴋalimajut issivipait oma ᴋânganut, taimak mallugijaujungnarlungimat.

²⁰ Absalomib kivgangit manna arnamut, iglub illuanut tikkinamik, oᴋarput: Ahimaaz Jonathanelo nanêᴋak? Arnab oᴋautivait: Kokulluk una ikârlaukpâk. Kenneramiglo, nennisinatiglo, utterivut Jerusalemut.

²¹ Taipkoalo aularêrmatta, kagverpuk immektarvingmit, ailutiglo, Davidelo attannek oᴋautijartorpâk, oᴋarlutiglo Davidemut: Parngnaileritse, tuavidluselo kôk ikârsiuk; imâglo, imâglo Ahitofele attannertuilaungmat akkerartorluse.

²² Tagva Davide parngnailerpok innugatoksuillo illagijangit illunatik, Jordanelo ikârpât ᴋaulermariᴋârtinago, amiakoᴋalaungilarlo attautsemiglonêt ikârlaungitomik Jordanemik.

²³ Ahitofele takkogame attannertuinine malliktaulungimat siuteᴋoᴋtôjoᴋotine iksivaviktârpa, parngnailunelo, angerarlunelo iglugaseksoarnut igloᴋarvigijaminut, iglunelo âkikpa, ᴋimiklunelo toᴋᴋolarmelo, illijartortauvorlo atâtame illuveᴋotinganut.

²⁴ Davidelo tikkilerpok Mahanaimemut. Absalomiblo Jordane ikârpa, Israelitillo angutingit illunatik illagivât.

²⁵ Absalomiblo Amasa Joabib inningane angajoᴋangortilaukpa sorsuktuksaᴋattigêksoarnut. Amasale erniolaukpok angumut Jethramik attelingmut, Israeliteôjomut, taipsoma Abigail Nahasib pannia, Zerujab Joabib anânangata nukanga aipariva.

²⁶ Israelitille Absalomelo tangmarterput Gileademe.

²⁷ Davide Mahanaimemut tikkisimangmat, tagva Sobi, Nahasib erninga Rabbatemit, Ammonib ᴋittorngangita iglugasaksoaᴋotinganit, Machirelo Amielib erninga Lodabaremit, Barsillailo Gileademiok Roglimit, ᴋaitsivut,

²⁸ Aumitinik, pôgutaniglo, illulerᴋuteniglo macharnik, Weizenik, Gerstenik, sannaukamiglo, Gersteniglo jarasimajunik, Bohneniglo, Linsiniglo, Grützeniglo,

²⁹ Igupsaujartullo orksuanik, immublo orksuanik, punnaujartuniglo sannamajunik saukat tuktuvaillo immunginit, Davidemut, inugiartoksoarnullo tapsomanêtunut, Nerᴋiksaᴋarᴋovlugit. Issumaᴋaramik, inugatsuit nallonangitomik kâkput merngortorlutiglo immerudlalarmiglo sunaᴋajuitome.