II Kronika 8 - Labrador Inuttitut Heritage Bible

Salomob iglogasaliorninga; illusinga kivgartornerme Gudemik; umiaktorningalo; tunnergutingillo.

¹ Jarillo 20 git, Salomob attorlauktangita Nalekab iglunga, iglunelo igloliorlugik, kingorngane,

² Iglugasaksuittauk iglugasaliorpait Huramib tunnijangit Salomomut, Israeliblo ᴋittorngangit nunaᴋarᴋovait tapᴋonane.

³ Salomolo aivok Hemath-Zobamut, songotipaillo;

⁴ Tadmorelo sunaᴋajuitome iglugasaliorpait, iglugasaksuillo ᴋemmatulliviojut illunaita iglugasaliorlauktane Hematheme.

⁵ Iglugasaliorpaillotauk Beth-Horon kagvasiktok, atsiktorlo, iglugasaksuit sôngojut avaluksoaggit, upᴋoaᴋsoaggillo, sanneroaggillo.

⁶ Baelathetauk, iglugasaksuillo ᴋemmatulliviojut Salomob pigijane illunaita, iglugasaksuillo illunaita ᴋamutingnut, ablangajunullo horsit ᴋângine illingajut, tamaitalo Salomob tussugijane sannajomavlugit, Jerusalemelo, Libanonemelo, attanniovimelo nunangane illunane.

⁷ Innugasaksuit amiakovinît Hetiterinit Amoriterinillo, Feresiterinillo, Heviterinillo, Jebusiterinillo, Israelib ᴋittornganginit pilaungitut,

⁸ Taipkoa amiakojut, Israelib ᴋittorngangita nungulaungitangita ᴋittorngangit Salomob sannajuksangortipait, uvlok tamanna tikkidlugo.

⁹ Israelible ᴋittornganginit Salomo kivgangortitsilungilak kikunik sullijaksaminut illingajunik, sorsuktuksaulaukpulle, angajoᴋaulutiglo Kapitanut, aulatsijolutiglo ᴋammuteᴋotinginik, ablangajoᴋotinginiglo horsit ᴋângine.

¹⁰ Aulatsijullo angajoᴋaunerôjungit attanniub Salomob sullijaksanginik 250 giôlaukput, aulatsilauktut innugasaksoarnik.

¹¹ Faraublo pannia Salomob aijauᴋova takpaunga Davidib iglugasaksoanginit iglomut, (Salomob) igloliorlauktanganut tapsomunga. Oᴋarame: Nulliara igloᴋartuksaungilak Davidib Israelib attanningata iglungane, ivsornaititaulaungmat, Gudib iklervinga takkamungartaulaungmat.

¹² Taimangat Salomo tunnergutinik ôtaksanik tunnijivok Nalekamut, Nalekab Altaringata ᴋângane, sannalauktamine, torksub sângane;

¹³ Tunnergutiksallo uvlunut tamainut illingajut, tunnivait Mosesib perᴋojangit malliklugit, Sabbatine, taᴋᴋêlanelo, uvloksiorvingnelo, pingasuêrtorlune Jareme, tagva uvloksiorvingme ᴋaᴋᴋojanik sêrnaᴋangitunik, Wochillo uvloksiorvinganelo, uvloksiorvingmelo igloᴋarvingmik akkerᴋunik milluᴋattalingnik.

¹⁴ Tapsomalo ajochertuijut pitipait ingmigolinganingit malliklugit, pinniaraksanginut, sorlo Davidib oma atâtangata âᴋiksorlaungmagit; Levitillo sullijaksanginut, nertordlerlutik kivgartorlutiglo ajochertuijut sângine, uvlut tamaita illusingititut; upᴋoaᴋsoaniglo udsertortut ingmigolinganingit malliklugit, attunît upᴋoaᴋsoanganut. Taimak Davidib Gudib anguteᴋotingata perᴋolaungmago.

¹⁵ Attanniublo perᴋojanga ajochertuijut Levitillo, sunatuinaillo pivianartullo pivlugit sannerᴋotaulaungilak.

¹⁶ Taimaglo Salomob pinniaraksangit tamaita pijarêrtitaumavut, Nalekab iglungata tunganilititauningata uvlunga tikkilugo, tapsomalo innertaumaninga tikkilugo, Nalekab iglunga innersimamariᴋârtinago.

¹⁷ Tagva Salomo aularpok Ezeon-Geberemut, Elotemullo immarbiksub siksanganêtunut, Edomemiut nunanganut.

¹⁸ Huramiblo tillikliutjivigiva umiaksoarnik kivgaᴋotimigut, immarbiksoarmik illitarksijutigut; tapᴋoalo Salomob kivgangit illagilugit umiaktorput Ofiremut, aiklerlutiglo tagvangat Goldemik Talentinik 450 ginik, âtsilutiglo tamakkoninga Salomomut.