II Kronika 4 - Labrador Inuttitut Heritage Bible

Tempelib perᴋutingita illulerᴋutingitalo illangit.

¹ Altaremiglo kannujaujomik sannagivok, tallitut 20 gitut tukkimutotigijomik sannimutotigijomiglo, tallitullo tallimaujortutitut poktotigijomik.

² Immarbingoarlo sannava kovilugo, tallitut tallimaujortutitut silliktigijok, sinânit aipanganit, aipa tikkidlugo, angmaloriksarsimajok avatâne, tallitullo tallimatut poktotigijok; nimerlo tallitut 30 gitut takkitigijok namatuinarlaukpok avatane.

³ Tuktuvangoaᴋalaukporlo attâne, avatâne illunane; immarbingoablo tallitut tallimaujortutitut silliktigijolauktub avatâne, kuglungangoaᴋalaukpok sannilerêngnik maggoinik, koviᴋassiutitaumalauktunik.

⁴ Nappavorle taimak tuktuvangoata ᴋângine, tapᴋoa pingasut sângmitillugit avunga, pingasut paunga, pingasut aunga, pingasullo taununga; immarbingoarlo ᴋânginelaukpok; okpatingillo illunatik illumut torarput.

⁵ Ivjoningalo aggaktitut igluînartut sannimutoningititut îlaukpok, sinnâlo ermgusiarsub sinningatut îlaukpok, Lilietut sigisimajotut-îdlune; illuleᴋarungnarlaukporlo Bathenik 3,000 dinik.

⁶ Sannavaillo ukkusit tallimaujortut tapᴋoa tallimat makkitipait tallerpingmut, tallimallo saumingmut erchortuiviksauvlutik, illulerᴋutit tamaita tunnergutinut otaksanut attortaulauktut erchortorpait tapᴋonane; immarbingoarle ubvarviksaulaukpok ajochertuijunut.

⁷ Sannavaillo nannergoabvit Goldeôjut tallimaujortut, illingajuksauningit malliklugit, pitipaillo Tempelemut, tallimat tallerpingmut, tallimallo saumingmut.

⁸ Sâlo tallimaujortut sannavait, pitilaitalo Tempelemut; tallimat tallerpingmut, tallimallo saumingmut. Sannavaillo pogutat Goldeôjut 100 dit.

⁹ Sannavâlo ajochertuijut inningat avaluliorsimajok, avaluliorsimajorlo angijok, upkoallo avaluliorsimajomut angijomut, upkoallo sillapârpait kannujarmik.

¹⁰ Immarbingoarlo nappartipa iglub tallerpiane kittâne seᴋᴋerngane.

¹¹ Hiramiblo ukkusit, poargillo, pogutallo sannavait; Taimaglo Hiramib sannajaksat, sannajane attannermut Salomomut, Gudib iglungane innerpait:

¹² Tagva nappajuk, niaᴋojartuglo nuvuangnetuk ᴋângangne illagilugik; nulloangoaglo maggoit niaᴋojartuk nappajuk nuvuangnêtuk aksaujakita ulliksangit,

¹³ Paungâlungoallo Granatit 400 dit nulluangoanut, Granatit sannilerêt maggoit nulluangoanut attautsinut, niaᴋojartuk aksaujakita ulliksanginut.

¹⁴ Ikkovrallo sannavait, ukkusillo, ikkovrat ᴋânginêtut.

¹⁵ Immarbingoak, tuktuvaillo 12 it tapsoma attânêtut.

¹⁶ Ukkusillo, poargillo, kappuᴋautillo, illulerᴋutingillo tamaita illagilugit Huram-Afibib sannavait attannermut Salomomut, Nalekab iglunganut illingaᴋovlugit, kannujarmit illaᴋangitomit.

¹⁷ Jordanib erᴋâne Sochotib Zartaniblo akkorngangne attanniub kovijauᴋovait macharme.

¹⁸ Salomoblo illulerᴋutit tapᴋoa illunaita sannavait unnuktovaksovlutik; kannujangita oᴋumainingit kiktitartaujungnangimatta unnumut.

¹⁹ Salomoblo perᴋutit tamaita Gudib iglungata illuanut illingajut sannavait: tagva Altare Goldeôjok, sâlo, ᴋaᴋᴋojallo takkojaksat ᴋânginetuksat;

²⁰ Nannergoabvit, ᴋollingit illaliudlugit, Goldemit illaᴋangitomit, ikkoalaᴋovlugit ivsornainerpângojub sângane, sorlo illusiojuksaungmat;

²¹ Nuvugolangoangallo ᴋollerne, takkersutillo Goldemit; tapᴋoa illunatik Goldeolaukput;

²² Sâvillo, pogutallo, allupsautillo, ᴋallutaujallo isserluanijutiksat Goldeôlaukput. Itterviglo upkoangalo illuane ivsornainerpangôjomut, upkoallo iglome Tempeleojome Goldeolaukput.