II Kronika 27 - Labrador Inuttitut Heritage Bible

Jothamib attanniotininga.

¹ Jothame Jareᴋalaukpok 25 ginik attanningorame, attanniotilunelo Jarit 16 it nâlugit Jerusaleme. Anânanga atteᴋalaukpok Jerusamik, Zadokib pannia.

² Pinniarporlo Nalekab namagijanganik, taimaluatsiak sorlo atâtanga Usia pinniarlaungmat; kissiane Nalekab Tempelinganut itterlungimat; innugasaksuille idluitullivut sulle.

³ Tapsoma Nalekab iglungane itterviksoak kogvasiktok igloliorpa, avalungnelo Ofelemik attelingne sannavok unnuktunik.

⁴ Iglugasaksoarniglo iglugasaliorpok Judab ᴋaᴋᴋangine, nappartunelo igloliorsavok igloksoarnik avaluliorsimajunik, nuvugusingniglo.

⁵ Sorsugvigivâlo Amonib ᴋittorngangita attanningat, salagilaitalo; Amonib ᴋittorngangita Jareme taipsomane tunnitsivigingmatsuk Talentinik 100 dinik Silberemik, Koriniglo 10,000 dinik Weizenik, Koriniglo 10,000 dinik Gerstenik. Taimak unnuktigijunik Amonib ᴋittorngangita tunnitsivigivattauk Jarib aipangane, pingajuanelo.

⁶ Taimak Jothame sôngudlalaukpok; apᴋotigijane âᴋigasuarmagit Nalekab Gudime sângane.

⁷ Unipkautsille tamakkoa assingit Jothame pivlugo, unatadlarningit, pinniarningillo, ahâk, tamakkoa aglaksimavut Israelitit Judakullo attanningita aglangine.

⁸ Jareᴋalaukpok 25 ginik attanningorame, attanniotilunelo Jarit 16 it nâlugit Jerusaleme.

⁹ Jothamelo sinnisilerpok atâtagijaminut ailune, illijartorpâllo Davidib iglugasaksoangine. Erningalo Ahas attanningorpok innangêrdlugo.