II Kronika 15 - Labrador Inuttitut Heritage Bible

Assafib pigiarninga kivgartornek Gudemik âᴋiksorlugo.

¹ Gudiblo annerningata Asarja Odedib erninga tupvigilerpa.

² Tamna annivok Assa pachreartorlugo, oᴋautilâlo: Nalaksinga, Assa Judamiôjoselo, Benjaminemiôjoselo illunase! Nalekab illagivâse, illipse illagigapsiuk; ᴋennerniarupsiuglo tagva nachvartauᴋoniarpok illipsingnut; allarniarupsiugle, tagva allarniarivâse.

³ Uvloᴋaromârporle unnuktunik Israeleme, Gudearomângitunik idluartomik, ajochertuijoaromângituniglo ajochertuijunik, perᴋojâromângituniglo.

⁴ Sagiaromârpattalo kappianartonermingne Nalekamut Israelib Gudinganut, ᴋenneromârpatsuglo, tagva nachvartauᴋoniarpok.

⁵ Nalliutome taipsomane ᴋannoêngitsiarnearomângilak tapsomunga annijomut ittertomullo, aulajadlarneᴋaromârmat illunainut nunamêtunut.

⁶ Innuᴋattigêksuit attautsit innuᴋattigêksuit assingit serᴋomigomârmagit, iglugasaksuillo attautsit iglugasaksuit assingit; Gudib ᴋoaᴋsartitsomârmagit kappianartunut tamainut.

⁷ Illipsele maksoaleritse, aggasselo kattaktailitilugit pititse, pinniarnise akkiksârniarmatta.

⁸ Assable oᴋautsit tamakkoa tussaramigit, nallautaijublo Odedib nallautaijutigijangit, maksoalerpok, pêjarpaillo makkojungnartut Judakut Benjaminekullo nunangangnêtut, iglugasaksoarnêtullo aksarnigarilauktamine Efraimib ᴋaᴋᴋangine. Nalekablo Altaringa Nalekab torksungata sânganêtok nutângortipa.

⁹ Kattiᴋovaillo Judakut Benjaminekullo illuêngarlutik, tujormitjallo tapᴋonanêtut Efraimekunit, Manassekunillo, Simeonekunillo. Israelitinit unnuktut apteramik, tikkipâllo, takkogamik Nalekab Gudingata aiparingmago.

¹⁰ Kattimalerpullo Jerusalemut Assab attannioviata Jaringita 15 ingata taᴋᴋingita pingajuane,

¹¹ Tunnijilutiglo uvlorme taipsomane tunnergutinik Nalekamut aksarnigavinernit tikkiutilauktamingnit, tuktuvait angusallunginik 700 dinik, saukaniglo 7,000 dinik.

¹² Angerᴋattigêkpullo, Nalegak atâtagijamik Gudingat ᴋenneromavlugo omamut tamânut, tarnemullo tamânut;

¹³ Kinalo Nalekamik Israelib Gudinganik ᴋennerniarajangitok, tamna toᴋᴋotaujuksaungmat, mikkijômangât angijômangâllonêt, angutaumangallo arnaumangâllonêt.

¹⁴ Angervigimarikpâllo Nalegak nippeᴋôrtôjomut, igiaᴋomijarlutiglo, trompetesijarlutiglo, tiptulausijarlarmiglo.

¹⁵ Judakullo illunamasiatik angermaringnek tamna ᴋuviasutigivât; angermarilauramik ômamut tamânut, ᴋennerpâllo pijomanermingnut tamânut, nachvartauᴋolaukporlo tapᴋonunga; Nalekablo merngoêrserneᴋartipait avatingine illunane.

¹⁶ Assab attanniojub Maecha anânane attanniojungnaitipâtauk, Gudingoamik sannalaungmat nappartune. Assablo Gudingoaᴋotinga pêjarpa, tugarlugolo serᴋalitipa, ikkilâlo kôngme Kidronemik attelingme.

¹⁷ Poktojulle Israeleme pêjartaulaungilat; Assable omattinga nallagorlaukpok innosermine tamât.

¹⁸ Ittertipaillo Nalekab iglunganut atâtame ivsornaitilauktangit, ivsornaitilauktanelo, Silbere Goldelo illulerᴋutillo.

¹⁹ Unatadlartoᴋalaungilarlo, Assab attannioningata Jaringita 35 ingat tikkidlugo.