II Johannesib 1 - Labrador Inuttitut Heritage Bible

Arnaᴋ okpertoᴋ ᴋitorngangillo pilorerᴋojauvut.

¹ Angajoᴋaunerôjok arnamut Kîriamut anerimajomut ᴋitornganginullo, tâpkoa nagligijakka mikseᴋârnerme; kissimalo pinanga, ilûnatigletauᴋ mikseᴋârnermik illitarsimajut,

² Mikseᴋârneᴋ iluptingnêtsainartoᴋ issoᴋangitomullo uvaptingnêtsainaromârtoᴋ pivlugo.

³ Gûdib Atâtab Nâlekablo Jêsusib Kristusib, Atâtab erningata saimarsautiminut, nâpkiningnerminullo, ullapirsautiminullo illagilisetôᴋ, mikseᴋârnermelo naglingnermelo.

⁴ Kuviasukpunga angijomik ᴋitorngavit akorngane mikseᴋârnerme arvertartunik nagvâlaurama, sorlo Atâtamut perᴋojamik tunitjiviogapta.

⁵ Mânalo ᴋenuvigivagit, arnaᴋ, (perᴋojamik nutâmik sorlo aglagvigingilagit, pigiarninganille pigijaptingnik) nagliktigêktuksaugapta.

⁶ Tamadjalo naglingneᴋ, inôgapta perᴋojanga maliklugo. Tamadja perᴋojaᴋ, tussaumajase pigiarninganit, inôniarᴋovluse tâpsomane.

⁷ Tamartitsijut unnuktut silaᴋsoarmut pingmatta, Jêsuse Kristusemik uvinikut tikitomik kigligiutsingitut. Taimaitoᴋ tamartitsijôvoᴋ Antikristuseovlunelo.

⁸ Udjertortoritse senamaniptingnik tamailerᴋonata, illangertaulungitomigle akkiksarserᴋovluta.

⁹ Tapatojoᴋ Kristusiblo ajoᴋertûsinganêtsungnairlune, tâmna Gûdeᴋangilaᴋ; Kristusib ajoᴋertûsinganêtsainartoᴋ, tâmna Atâtamiglo Ernermiglo tamangnik peᴋarpoᴋ.

¹⁰ Ilipsingnut tikitoᴋarpat mattominga ajoᴋertuselijarlungitomik, tâmna iglupsingne illaliorniarasiuk, salutinagolo.

¹¹ Taipsominga salutitsijub taipsoma idluituliningit illangiubvigingmagit.

¹² Unuktunik aglagutiksaᴋaralloartunga ilipsingnut, aglangnulle aglaumullo pijomananga: neriukamale tikitsomavluse ᴋanikut oᴋarvigiluse, ᴋuviasungnivut nâmakserᴋovlugo.

¹³ Katangutivît (arnab) anerimajub ᴋitorngangita salutipâtit. Amen.