II Atannit 8 - Labrador Inuttitut Heritage Bible

Kâviksoakarnek Jârit 7 it nâlugit. Siriamiut assianik atannekarningat. Joramelo, Ahasjalo atanniojuk Judame.

¹ Elisablo arnak tamna oᴋarvigiva, omartilauktame ernerub anânanga, oᴋarlunelo: Parngnailerit iglomioᴋattitillo ilagilugit aularit, tujormijangolutillo sappingitarne; Nâlegak kâvingmik ᴋaiᴋojiniarmat, tamanna nunamut tikkiniarpok Jârit 7 it nâlugit.

² Arnak tamna parngnailerpok taimailiorlunelo, sorlo Gûdib anguteᴋotinga oᴋalaungmat, tujormiangolaukporlo Filisterit nunangane, Jârit 7 it nâlugit.

³ Jârille 7 it tapᴋoa kangermatta, arnak tamna utterivok Filisterit nunanganit; aularporlo atannek nipliarvigilugo, iglokotine perorsêvikotinelo pivlugit.

⁴ Atanniuble Gehasi Gûdib anguteᴋotingata kivganga oᴋarvigiva oᴋarlunelo: Unipᴋautilaunga pinniarnersoarnik tamainik Elisab pinniarlauktanginik.

⁵ Unipkartillugolo atannermut, ᴋanok toᴋungajok omartilaungmago; ahâk tagva namâkilune arnak tamna tikkipok tagvunga, omartitaumajub ernerub anânanga, atannerlo nipliarvigiva iglokotine pivlugo, perorsêvikotinelo pivlugo. Tagva Gehasi oᴋarpok: Nâlegâk atannek, tagva arnak tamna; tagvalo erninga Elisab omartilauktanga.

⁶ Atanniublo arnak apperiva; tapsomalo arnab unipᴋautiva tamattominga. Tagva atanniub pimaklertit ilangat ilaukova tapsomunga; oᴋarlunelo: Sattorsitiuk tamainik nangminerijanginik, tappilugillo perorsêviub perortungita tamaita akkinginik, taimangat nuna aularlaungmago manna tikkilugo.

⁷ Elisalo Damaskusemut tikkipok. Tagvane Benhadad Siriamiut atanningat ᴋanimavlune nallalaukpok; oᴋautsauvorlo, oᴋartoᴋarlunelo: Gûdib anguteᴋotinga tamaungarsimavok.

⁸ Tagva atannek Hasaelemut oᴋarpok: Pilliutiksanik najortekarlutit, Gûdib anguteᴋotinga pachrearuk, Nâlegarlo apperiuk taipsomûna, oᴋarlutillo ᴋanimasermit mattomangat nekkoksiniaralloarmangarma.

⁹ Hasaeliblo pachrearpa pilliutiksaniglo neksarpok, perkutiniglo sunatuinarnik Damaskusemit, nangmagaksanik 40 ginik Kamêlinut. Tikkinamelo sângerpa oᴋarlunelo: Ernivit Benhadadib atanniub Siriame tillimavânga illingnut, oᴋautsaukovâtillo: Nekkoksijungnaralloarkik ᴋanimasermit omangat?

¹⁰ Elisab oᴋautiva: Oᴋautijartoruk: Nekkoksiniarpotit; Nâlekable nallojungnaitilaukpânga, toᴋoniarmat.

¹¹ Gûdiblo anguteᴋotingata okkijiva akkunit kêalunelo.

¹² Tagva Hasael oᴋarpok: Sôg nâlegara kêava? Tamna oᴋarpok: ᴋaujimavunga ᴋanok igvit Israelib ᴋitorngangit idluitullivigijomârangne. Iglugasaksoangit songojut ikkomamut ikkitsomârpattit anguteᴋotingit innuosuktut toᴋotsomârpattit saviksoarmut, sorrusiârsukotingillo toᴋotsomârpattit, arnakotingillo singaijut ullimârlugit avgoromârpattit.

¹³ Hasaele oᴋarpok; Kivgait kingmek sunauva, taimaitunik pijariakortôjunik pinniartuksaunajarmat? Elisa oᴋarpok: Nâlekab nallojungnaitilaukpânga, igvit atannioniaravit Siriamiunut.

¹⁴ Tamnalo aularpok Elisamit, tikkilunelo angajoᴋaminut, tapsoma oᴋautiva: Sunamik Elisab oᴋautilaukâtit? Oᴋarpok: Oᴋautilaukpânga: Nekkornersauniarpotit.

¹⁵ ᴋaulermallo ullik pergaimajok tiguva missuklugolo immermut, issivilâlo tapsoma ᴋânganut; tagva toᴋovok. Hasaelelo atanningorpok innangêrlugo.

¹⁶ Joramib Ahabib erningata Israelitit atanningata Jâringita 5 ingane, Joram Josafatib erninga atanningorpok Judakunut.

¹⁷ Jârekalaukpok 32 ginik atanningorame, atanniotilunelo Jârit 8 it nâlugit Jerusaleme.

¹⁸ Agvertarlunelo Israelitit atanningita apᴋosiningine, sorlo Ahabekut pilaungmatta; Ahabib pannia nulliarigamiuk; piniarporlo Nâlekab idluigijanginik.

¹⁹ Nâlekable Judakut asseroromalaungilait kivgakotine Davide pivlugo; sorlo oᴋautilaungmago, tunnitsivigitsainaromavlugo ᴋaumautiksamik ᴋitorngangita akkorngane soraijuitomik.

²⁰ Tapsoma nalliuningane Edomiterit nâlegungnailaukput Judakunik, atannekartitsilutiglo ingmingnut.

²¹ Jorame Zairekut aularlaungmat, aksalloaggillo ilunnatik ilagivlugo, unnuarmelo parngnailaukpok, Edomiterillo illumajine ullimârlaukpait, taimaglotauk kamutit angajoᴋangit, innugiartoksuillo ᴋemâvut iglomingnut.

²² Tamanna pivlugo Edomiterit nâlegungnaiput Judakunik uvlok tamanna tikkilugo. Nalliutome taipsomane Libna nâlegungnailaurivut.

²³ Unipᴋautsit assingit Jorame pivlugo, tamaitalo pinniarlauktangit, ahâk tamanna aglaksimavok Judakut atanningita aglangine.

²⁴ Joramelo sinnisilerpok atâtagijaminut ailune, illijartortaulunelo atatagijaminut, Davidib iglugasaksoakotingine, Ahasjalo erninga atanningorpok inangêrlugo.

²⁵ Joramib Ahabib erningata Israelitit atanningata Jâringita 12 ingane, Ahasja Joramib erninga atanningorpok Judakunut.

²⁶ Ahasja Jârekalaukpok 22 ginik atanningorame, atanniotilunelo Jâre attausek nâlugo Jerusaleme. Anânanga attekalaukpok Ataliamik, Amrib Israelitit atanningata panninga.

²⁷ Agvertarporlo Ahabekut apᴋosiningane, pinniarlunelo Nâlekab idluigijanginik Ahabekutitut, sakkeolaungmat Ahabekunut.

²⁸ Joramelo Ahabib erninga ilagilugo aularpok Ramothemut Gileademetomut, Hasael Siriamiut atanningat sorsugvigijomavlugo; Siriamiulle Jorame sâlagivât.

²⁹ Tagva Jorame atannek utterpok mamititaujomavlune Jesreeleme ikkiminit, pilauktaminit Siriamiunut Ramame, Hasael Siriamiut atanningat sorsugvigingmago. Ahasjalo Joramib Judakut atanningata erninga attersarpok, Jorame Ahab erninga takkojartoromavlugo Jesreeleme; ᴋanimangmat.