II Atannit 20 - Labrador Inuttitut Heritage Bible

Hiskiab ᴋanimaninganik, âkiktauninganiglo tattamnadlartomik. Toᴋunganiglo.

¹ Nalliutome taipsomane Hiskia ᴋanimalaukpok toᴋoajarlune. Nallautaijublo Jesaiasib, Amozib erningata tikkipa, oᴋautilâlo: Imâk Nâlegak oᴋarpok: Iglokotit oppalungaijaruk toᴋoniaravit, nekkornersauniangilatillo.

² Tapsomale kênane sâtipa iglub sennerânut, tuksiarlunelo Nâlekamut, oᴋarlunelo:

³ Erᴋailaurittôk Nâlegak! sângne nertornarlunga agvertarlaurama, omamullo nallagôrtomut, pinniarlauramalo namagijarnik! Hiskialo kugviudlalaukpok.

⁴ Jesaiasele iglugasaksuit kerᴋanginit annilerkârtinago sulle, Nâlekab oᴋausingata tikkipa, oᴋarlunelo:

⁵ Utterit, Hiskialo inuᴋotima atanningat oᴋautiuk: Imâk Nâlegak atâtavit Davidib Gûdinga oᴋarpok: Tuksiarnit tussarlaukpara, kugvitillo takkolaukpakka. Ahâk, pijungnaititsomavagit; uvlut pingajuane majorarlutit takpaungalârpotit Nâlekab iglunganut;

⁶ Innôserilauktarnullo ilautitsijomavunga Jârinik 15 nik, piulijomavagillo, iglugasaksuillo tamakkoa, Assiriamiut atanningata agganginit, iglugasaksuillo tamakkoa serngnigijomavakka pivlunga, kivgaralo Davide pivlugo.

⁷ Jesaiaselo oᴋarpok: ᴋaitsileritse Feigemik makpasimajomik; ᴋaitsivullo, illilâlo soggomut; nekkoksilaukporlo.

⁸ Hiskiable Jesaiase oᴋautiva: ᴋanoêtomik nallonaikutekarka Nâlekab pijungnaitiniarmanga, uvlut pingajuane takpaunga Nâlekab iglunganut itterlârama?

⁹ Jesaiase oᴋarpok: Tamanna nallonaikutariuk Nâlekamit, Nâlegak pinniarmat oᴋauserijamitut: tachak tittarnik tillimaujortunik uttertuksauva, sivumuartuksauvalonêt?

¹⁰ Hiskia oᴋarpok: Ajornangilak tachak sivumuarᴋovlugo tittarnik 10 nik; tamanna pijomalungilara, uttimuartuksauvorle tittarnik 10 nik.

¹¹ Tagva nallautaijub Jesaiasib Nâlegak nipliarvigiva, tapsomalo tachak uttimuartipa tittarnik 10 nik, akkakârlauktok Ahasib sekkerngoakotingata tikkutâne.

¹² Nalliutome taipsomane Berodachib Baladanib, Baledamib erningata Babelemiut atanningata aglait pilliutiksallo tillikliutivait Hiskiamut, tussarlaurame Hiskia ᴋanimalaungmat.

¹³ Hiskiable kuviasuᴋattigivait, iglolo perkotitalik tamât takkojautipa tapᴋonunga, Silbere Goldelo, mingoarutiksallo, orksuglo pivianartok, innelo sakkutalik, tamaitalo perkotitalikotiminelauktut. Pittakalaungilarlo sunamik tapsoma iglungane nâlegauvinganelo tamât, Hiskiab takkojautilaungitanganik tapᴋonunga.

¹⁴ Tagva Jesaiase nallautaijok tikkipok atannermut Hiskiamut, oᴋautilâlo: ᴋanok angutit taipkoa oᴋalaukat? Naᴋillo tikkilaukâtit? Hiskia oᴋarpok: Nunamit ungasiktomit tikkilaukpânga, Babelemit.

¹⁵ Tamna oᴋarpok: Sunamik takkolaukat iglungne? Hiskia oᴋarpok: Tamaita iglumnêtut takkolaukpait; perkutitalikotimnelo, pittaᴋangilak sunamik, takkojautilaungitamnik taipkonunga.

¹⁶ Tagva Jesaiasib Hiskia oᴋautiva: Nâlekab oᴋausingit tussarkit:

¹⁷ Ahâk, nalliutijomârpok, tamaita iglungnêtut atâtagilauktavillo kattersorlauktangit uvlok tamanna tikkilugo, aularudsaujomârmatta Babelemut; amiakoᴋarkojaujomângilarlo sunamik, Nâlegak oᴋarpok.

¹⁸ Taimaktauk ernitit illingnit pijut, ernitarijomârtatit, tigujaujomârput kivgauᴋovlugit Babelemiut atanningata igloksoangane.

¹⁹ Hiskiale oᴋarpok Jesaiasemut: Nâlekab oᴋausingit oᴋauserimajangit namakput. Oᴋarivorlo: Ullapirsautekartuinarletôk, nertornarnekarlelo innôtilunnga!

²⁰ Unipᴋautsit tamakkoa assingit Hiskia pivlugo, sôngoningalo tamât, pinniarlauktangillo, tetserlo, kôgvillo koktitsijutigilauktangit immermik iglugasaksoarnut, ahâk tamanna aglaksimavok Judakut atanningita aglangine.

²¹ Hiskialo sinnisilerpok, atâtagijaminut ailune. Manasselo erninga atanningorpok innangêrlugo.