II Atannit 2 - Labrador Inuttitut Heritage Bible

Eliab ᴋilaliarninga; Elisab tattamnartitangit.

¹ Nâlekable Elia ᴋongmuarᴋojomalaungmago ᴋilangmut, Elia Elisalo aularpuk Gilgalêmit.

² Eliablo Elisa oᴋautiva: Nâgliktara ovanetualaurit! Nâlekab tilingmanga Bethelemut. Elisale oᴋarpok: Sôrlo mikseᴋârtomik Nâlegak inôngmat, tarnîllo, ᴋemangniangilagit. Taimâk atersarpûk ununga Bethelêmut.

³ Tagva nallautaijut erningit Bethelemêlauktut annilerput Elisamut, oᴋautivâlo: ᴋaujimagalloarᴋît Nâlekab angajoᴋait uvlome aularutiniarmago niaᴋovit ᴋolâgut? Tamnâle oᴋarpok: ᴋaujimagalloarivara, nipangertuinaritse.

⁴ Eliablo oᴋautivâ: Elisa, naglingnartotit ovanetualaurit, Nâlekab tilingmanga Jerichomut. Tamnâle oᴋarpok: Sôrlo mikseᴋârtomik Nâlegak inôngmat, tarnîllo, ᴋemângniangilagit. Taimâglo Jerichomut tikipuk.

⁵ Tagva nallautaijut erningita Jerichomelauktut Elisa tikipât, oᴋautilâlo: ᴋaujimagalloarᴋît Nâlekab angajoᴋait uvlome aularutiniarmago niaᴋovit ᴋolâgut? Tâmnâle oᴋarpok: ᴋaujimagalloarivara, nipangertuinaritse.

⁶ Eliablo oᴋautivâ: Naglingnartotit ovanetualaurit; Nâlekab tilingmanga Jordanemut. Tamnâle oᴋarpok: Sorlo mikseᴋârtomik Nâlegak innôngmat, tarnillo, ᴋemangniangilagit. Taimaglo aiᴋattigêkpuk.

⁷ Angutille 50 git, nallautaijut erninginit aivut, nassiipirlutiglo ᴋaningitomit; tapᴋoale nangerpuk Jordaneme.

⁸ Tagva Eliab ulliksoane tiguva, immulâlo, immerlo annauva, tamanalo tagva avikpok avunga ikkungalo, tammarmiglo ikkârpuk ipteriliktokut.

⁹ Akkianullo tikkingmanik Eliab Elisa oᴋautiva: Tuksiarit sunamik pinniartuksaunimnik illingnut, nûtitauᴋârtinanga illingnit. Elisa oᴋarpok: Annernît uvamnêᴋovlugo maggoêrtorlune.

¹⁰ Tamna oᴋarpok. Pijariakortôjomik tuksiarᴋauvotit; takkoniarumgale nûtitautilunnga illingnit, tagva taimainiarpok, takkoniangikumgale, taimainiangilak.

¹¹ Pissuᴋattigêktillugiglo, oᴋartillugolo; ahâk, tagva tikkilerpok aksalloalik ikkomalik, horselîk ikkomaggit, avikpâglo; Elialo ullajujaksoakut ᴋongmuarpok ᴋillingmut.

¹² Elisale takkovok tamattominga, nipliadlarlunelo: Atâtâk, atâtâk! Israelib aksalloaliᴋotingit, ablangajoᴋotingillo horsine! Takkojungnaipâlo. Anoranelo tiguvait allikpaillo, maggolivlugit.

¹³ Eliablo ullinga, kattalauktanga kivikpâ utterlunelo; nangeriartorlunelo Jordanib sikjanganut.

¹⁴ Tiguvalo Eliab ullinga, kattalauktanga, immerlo annauva, oᴋarlunelo: Naneᴋâ manna Nâlegak Eliab Gûdinga? Immerlo annaungmago tagva avikpok avunga ikkungalo, Elisalo pissukpok tagvûna.

¹⁵ Nallautaijullo erningita, akkingertangita Jerichome, takkovât, oᴋarlutiglo: Eliab annerningata Elisa innilangavigiva; pachreartorpâllo akkungavigivlugolo nunamut opigivât;

¹⁶ Oᴋautivâllo: Ahâk kivgaᴋotivit akkorngane anguteᴋarpok 50 ginik sôngojunik, tapᴋoa aularlit, angajoᴋait ᴋenneriartorlugo; immaᴋâ Nâlekab annerningata aularutilaukpago, pitilugolo ᴋakᴋat nalliata ᴋânganullonêt, nâksat nallianullonêt. Tamnâle oᴋarpok tilliklerniarase.

¹⁷ Innapâlle akkunit, merngortorkârtinago, oᴋarlunelo: Tillikleritse. Tilliklerpullo angutinik 50 ginik, tapᴋoa ᴋennerpât uvlut pingasut nâlugit, naipinagolo.

¹⁸ Utterpullo tapsomunga, tamnâle Jerichomêtualaukpok, oᴋarporlo tapᴋonunga: Oᴋautilaungilapse aijuksaunginapse?

¹⁹ Iglugasaksuillo angutingita Elisa oᴋautivât: Ahâk iglugasaksoarne makkonane inneᴋarominarpok sorlo nâlegara takkungmat, kisiane imiluᴋarpok ovane, nunalo alliptornarpok.

²⁰ Tamna oᴋarpok: ᴋaitsivigisinga pogutamik nutâmik, pitetservigilugolo sioraujamik. Tapᴋoalo âtsivigivât tamattominga.

²¹ Annivorlo puailavingmut, sioraujallo egipait illuanut, oᴋarlunelo: Imâk Nâlegak oᴋarpok: Imek tamanna ᴋanoêtsungnaitipara, mannamit toᴋomiglonêt alliptuamiglonet pijoᴋarungnaituksauvok tamattomangat.

²² Taimak imek tamanna atsuilingorpok uvlok tamanna tikkilugo, Elisab oᴋausingit, oᴋauserijangit malliklugit.

²³ Majorarporlo takpaunga Bethelemut. Apᴋosinermelo majorartillugo nukapiarârsuit annilerput iglugasaksoarnit, millorpâllo ujarᴋanut, oᴋautiᴋattarpâllo: Nujaêrsimajotit majorarlutit ᴋait! Nujaêrsimajotit majorarlutit ᴋait!

²⁴ ᴋeviarporlo, takkonamigillo oᴋarnerlutigivait Nâlekab atingane. Tagva aklâk tikkilerpuk nappartunit, alliktorlugillo sorrutsit 42 git tapᴋonangat.

²⁵ Tagvangallo majorarpok ᴋakᴋamut Karmelemik atelingmut; tagvangallo utterpok Samariamut.