II Atannit 1 - Labrador Inuttitut Heritage Bible

Ahasjab ᴋanimaninga, toᴋungalo. Tapsoma inûᴋotingita nungutauningat ikomamut ᴋilangmit pijomut, nallautaijûb Eliab oᴋausingit maliklugit.

¹ Moabiterillo nâlegungnailaukput Israelitinik, Ahabe inôjungnaimat.

² Ahasjalo katakpok ᴋilapataujakut iglomine Samariame, ᴋanimalerlunelo, tilijaksaniglo tiliklerpok, oᴋautivaillo: Apperiartoritse Baal-Sebubemik Ekronemiut Gûdinganik, ᴋanimasermit tamattomangat nakoksiniarmangarma?

³ Nâlekable Engelingata Elia Tisbitemiok oᴋarvigiva: Parngnairit, atanniublo Samariamiub tilijangit pârniarkit, oᴋautilugillo: Gûdeᴋangilâk Israelitine, Baal-Sebube Ekronemiut Gûdingat aperiartorapsiuk?

⁴ Tamanna pivlugo Nâlegak oᴋarpok: Innangavingnit, nallariarvigijarnit makitsungnaituksauvotit; toᴋojuksaulutille. Elialo aularpok.

⁵ Tagvalo tilijaujut utermata tâpsomunga, tâpsoma oᴋautivait: Sôg uterpise?

⁶ Tapᴋoa oᴋautivât: Angutib majorarlune pârlaukpâtigut, oᴋautilutalo: Utermititse atannermut tilijigilauktapsingnut, oᴋautilugolo: Imâk Nâlegak oᴋarpok: Gûdeᴋangilâk Israelitine, tillikleravit Baal-Sebube Ekronemiut Gûdingat aperiartorlugo? Tamanna pivlugo makitsungnaituksauvotit inangavingmit nallariarvigilauktarnit, toᴋojuksauvotille.

⁷ Tapsoma oᴋautivait: ᴋanoêtomik angut taimna tautuᴋalauᴋa pârsijok illipsingnik, oᴋautjiselo tamattominga?

⁸ Tapᴋoa oᴋautivât: Angutaulaukpok merᴋolingnik anorâlik, tapseruteliglo makitimigut amivinermik. Tâmnâle oᴋarpok: Eliaôvok, Tisbitemiok.

⁹ Tagva tilliklervigiva angajoᴋâmik 50 ginut, 50 git tapᴋoa ilagilugo. Tikkinamiuglo takpaunga, ahâk, tagva iksivavok ᴋakᴋab ᴋângane. Tapsomalo oᴋautivâ: Igvit Gûdib angutinga, atannek oᴋarpok: Atersarit.

¹⁰ Eliab angajoᴋâk 50 ginut kiova, oᴋautilugolo: Gûdib angutigikpanga, tagva ikomaᴋatagle ᴋilangmit, nerrilitillo 50 giᴋotitillo. Tagva ikomaᴋattakpok ᴋilangmit, nerrivâlo, 50 gikotingillo.

¹¹ Tiliklipsarporlo angajoᴋâb asianik 50 ginut, 50 gillo ilagilugo, tâpsomunga. Tâpsoma kiovlune, oᴋautivâ: Igvit Gûdib angutinga, imâk atannek oᴋarpok: Atersarit.

¹² Elia kiovok oᴋarlunelo: Gûdib anguteᴋotigikpanga, tagva ikkoma kattagle ᴋilangmit, nerrilitillo 50 gikotitillo. Tagva Gûdib ikomanga ᴋattakpok ᴋilangmit, nerrivâlo, 50 gikotingillo.

¹³ Tagva ama angajoᴋᴋait pingajuat 50 ginut, tilliva, 50 gillo ilagilugo. Tamna tikiname tâpsomunga takpaunga, Elia serᴋortorvigiva tuksiarvigilugolo, oᴋautilâlo: Igvit Gûdib anguteᴋotinga, inosera, 50 gillo tapᴋoa inosingit akitôlitijikpit sângangne.

¹⁴ Ahâk ikomaᴋattalaukpok ᴋilangmit, nerrilaukpaillo sivorlik angajoᴋâk, 50 gikotingillo; mânnâle inosera âkᴋitôle ijikpît sângangne.

¹⁵ Tagva Nâlekab Engelingata Elia oᴋautivâ: Atersarᴋattigiuk, erksiginiarnagolo. Tagva parngnailerpok atersarᴋatigivâlo atannermut.

¹⁶ Oᴋarporlo tâpsomunga: Imâk Nâlegak oᴋarpok: Tamanna pivlugo tillijanik tilliklilauravit, Baal-Sebubelo Ekronemiut Gûdingat appertsorᴋolaurangne, Gûdeᴋarajangimat sôrlo Israeleme, tâpsoma oᴋausingit apertsortaujungnarmatta, tagva inangavingnit nallariarvigilauktarnit makitsungnaituksauvotit, toᴋojuksauvotille.

¹⁷ Taimâk toᴋovok Nâlekab oᴋausingit, Eliab oᴋauserilauktangit maliklugit. Joramelo atanningorpok tamna inangêrlugo, Joramib Josafatib erningata Jûdakut atanningata jâringita aippangane; erneᴋalaungimat.

¹⁸ Unipᴋautsit tamakkoa asingit Ahasja pivlugo sulle, pinniarlauktangit, ahâk tamakkoa aglaksimavut, Israelitit atanningita aglangine.