Idluarsaijut 3 - Labrador Inuttitut Heritage Bible

Athniel, Ehud, Samgar, pinniarningillo.

¹ Tamadsa nallojut Nâlekab tagvaneᴋojangit, oktorᴋovlugo Israelitinik tapkonane, ᴋaujimalaungitunik, Kanaanib unatadlarninginik.

² Israeliblo ᴋitorngangita abvakungit ᴋaujilerᴋovlugit, ilinnialerᴋovlugillo sorsungnermik, sivorngagut ᴋaujilaungitut tamattominga.

³ Imagle: Filisterit ataningit tallimat, ilûnaitalo Kanaaniterit, Zidonemiullo, Heviterillo, nunaᴋalauktut ᴋakᴋame Libanoneme, ᴋakᴋamit Baal Hermonemik attalingnut Hemathe tikkilugo.

⁴ Tapkoa amiakolaukput, Israelitit oktorlugit tapkonane, Sakᴋijarᴋovlugo Nâlekab perᴋojangit Nâlengmangagit, atâtagijanginut perᴋolauktangit Mosesekut.

⁵ Israelitit tagva mânna taimak nunaᴋalauramik Kanaaniterit, Hetiterillo, Amoriterillo, Feresiterillo, Heviterillo, Jebusiterillo akkorngane,

⁶ Tapkoa paninginik nulianikput, panitiglo tunnilaukpait taipkoa erninginut, kivgartorlutiglo taipkoa Gûdingoanginik;

⁷ Idluitullilutiglo Nâlekab sângane, Nâlegarlo Gûditik puigorlaukpât, kivgartorlutiglo Baalemik, perorsêvingniglo nappartolingnik.

⁸ Tagva Nâlekab ningarninga ilûngertulerlaukpok Israelitit pivlugit, niorvgutigivaillo Kusanib Risataimib Mesopotamiab atanertangata agganginut; taimaglo Israelitit Kusan-Risataime kivgartorpât jârinik sitamajortunik.

⁹ Tagva Israelib ᴋitorngangit niplialerput Nâlekamut, Nâlekablo piuliklerteᴋartilaukpait, piuliklerniartomik tapkoninga, Athnielemik, Kenasib Kaleb nukkangata erninganik.

¹⁰ Nâlekablo Annerninga illumigiva, idluarsaijolaukporlo Israelitinik, aularlunelo unatadlarnermut; Nâlekablo Siriab atanertanga Kusan-Risathaime tunniva tapsoma agganginut, aggangit tapsomunga songolualilaungmatta.

¹¹ Tagva nuna innilangalaukpok jârinik 40 ginik. Athnielelo Kenasib erninga toᴋovok.

¹² Israelible ᴋitorgangit kingorngane idluitullilaurivut Nâlekab sângane. Tagva Nâlekab Eglon Moabiterit ataningat ajugautipa Israelitinut, tamânna pivlugo idluitullilaungmatta Nâlekab sângane.

¹³ Tapsomalo illasearivait ingminut Amonib ᴋitorngangit Amaleᴋiterillo; aularlaukporlo sâlagilugillo Israelitit, iglugasaksuillo Palmitaggit aksarnigarivait.

¹⁴ Israelitillo Eglon Moabiterit ataninga kivgartorlaukpât jârinik 18 nik.

¹⁵ Tagva niplialerput Nâlekamut, Nâlekablo Piuliklerteᴋartipait, Ehudemik Gerab Jeminib erningata erninganik, tamna saumiolaukpok. Israeliblo ᴋitorngangit tapsomuna pilliutiksanik tillikliudjilaungmatta Eglonemut, Moabiterit ataninganut,

¹⁶ Ehudib saviksoak igluktut kênalik sanava piksane, tallertut takkitigijok, tapsilugolo annorâme illuane makkitimigut tallerpingmigut,

¹⁷ Pilliutiksarlo âpa Eglonemut, Moabiterit ataninganut. Eglonele anguteôlaukpok ᴋuinidlartok.

¹⁸ Pilliutiksarlo unertutigijarêrlauramiuk, inuit pilliutiksamik akjarsilauktut aularᴋovait;

¹⁹ Utterlunelo Gûdingoanit Gilgalemelauktunit, Oᴋautsauᴋojilunelo: Atanek! Angiarijaujariaᴋartunik oᴋausiksaᴋarpunga illingnut. Tamnâle nippangerᴋojivok; annivullo ilûnatik avatingane nangertut.

²⁰ Ehudiblo ittervigiva; tamnâle iksivavok iglomine aujaksiume, tapsomungaênak illingalauktome. Ehudelo oᴋarpok: Oᴋauseᴋarpunga Gûdemit pijunik illingnut. Tagva nikᴋovipok iksivautamit.

²¹ Ehudible aggane saumine issakpait saviksoarlo makkitiminit tallerpingminit tiguva, kappivâlo nângagut,

²² Ipubtauk saviktane mallingmago, kiksautillo ipo ullingmatsuk, (tapsoma saviksoak amulungimago nânganit) anaksak anningmat tapsomangat.

²³ Ehudelo iglomit annivok, upkoarlo upkoarpa pallangairlugolo.

²⁴ Annijarêrmat mânna, kivgangit itterput takolutiglo iglub aujaksiub upkoanga pallangairsimangmat, oᴋarlutiglo: Anâriatorpallaivok iglub aujaksiub aiparusinganut.

²⁵ Taimagle akkunêrtigijomik uttakᴋilauramik Kangusulerᴋârtinagit (upkoak aujaksiume upkoêrtaungimat kinamut) pêrut tiguvât pallangairudjarlugolo; ahâk tagva angajoᴋangat toᴋongavlune nallavok naterme.

²⁶ Ehudele ᴋemâlaukpok uttakkitillugit, Gûdingoallo Sanarᴋopait, ᴋemâlunelo Seirath tikkilugo.

²⁷ Tagvungalo pigame, tiptulaut tiptulausijautigivâ Efraimib ᴋakᴋangine. Israeliblo ᴋitorngangita aularᴋattigivât Efraimib ᴋakᴋanginit, tamnalo sivorlerivât.

²⁸ Oᴋautilugillo: Malliksinga, Nâlekab Moabiterit omigijise tunningmagit aggapsingnut. Malliklugolo akpalliutivut, ikkârviglo Jordaneme, Moamut illingajok aksarnigarivât, ikᴋarᴋojilungilello kinamik.

²⁹ Ullimarpaillo taipsomane Moabiterit angutit 10,000 dit, ilûnatik angutiôjut sorsugungnarnerpângôjut, atauserlonêt ᴋemânane.

³⁰ Taimak Moabiterit taipsomane ajugaujuêrtitauvut Israelib ᴋitorngangita agganginut. Nunalo innilangalaukpok jârinik 80 ginik.

³¹ Kingornganelo Samgar, Anathib erninga pivok; tapsoma Filisterit 600 dit annaulerlugit toᴋopait ajaupiamut, tuktuvângnut attortaumajomut, Israelitillo piulilaurivait.