Hosea 3 - Labrador Inuttitut Heritage Bible

¹ Nâlekablo oᴋautivânga: Ailerit sulle, arnarlo nagligiuk, uiminut nagligijaujoᴋ anguniarpaktorle, sorlo Nâlekab Israêlib ᴋitorngangit nagligingmagit, Gudib assianut sangugaloartilugit, mamaksartilugillo ᴋaᴋᴋôjanik paungalingnik.

² Taimaimat nangminimnut pisiarivara silberenut 15nut, senaugâlungmullo ôktûtemut hômeremut aipanga ᴋeterutserlugo.

³ Oᴋautivaralo: Uvamnut ungatsainarit uvlut unuktut nâvlugit; assiniartuksaungilatit, nuliarijaujuksaungilatillo angumut; uvangatauᴋ taimailijomavunga ilingnut.

⁴ Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

⁵ Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.