Hosea 13 - Labrador Inuttitut Heritage Bible

¹ Efraim oᴋâlangmat, sajuktoᴋadlarpoᴋ; ᴋagvertipoᴋ nangminerminik Israêleme; Baalele pivlugo pidlaraksautigame, toᴋovoᴋ.

² Mânalo idluitulivaliavut, auktisimajuniglo gudingoaliorput silbereᴋotimingnit, ilâ, gudingoanik issumagijatik maliklugit, ilûnatik senasôt senajanginik: tâpkoa pivlugit oᴋarput: Inungnik tunergusertut kuniklit noggangoarnik.

³ Tamanna pivlugo nuvujatut uvlâᴋsiutotut ilârput, mitsuksoatullo nungusaraitotut, saniktullo ulajujab tiktangatut senaugaksat katjuktauvingata natinganit, isseᴋtullo igalingmit pijotut.

⁴ Uvangale Nâlegauvunga Gudît Egiptenemit; gudemiglo assimnik ilitarᴋsijuksaungilatit, assimniglo piuliklertoᴋangilaᴋ.

⁵ Ilitarilauᴋpagit inuᴋajuitome, nuname ipterilingajoᴋsoarme.

⁶ Nerrinasugvitik maliklugo, taimak aᴋᴋeartorput; aᴋᴋeartorput, ômatingillo pingijaidlarput; taimaimallo puigorpânga.

⁷ Tamanna pivlugo tâpkonunga loevetut ilingavunga; pûsevâluktut terliarsijomavunga apᴋosiniub seniane;

⁸ Aklaᴋtut piaraminik aᴋsârtaumajotut pâgomavakka, ômatingitalo kiksautingit aliktoromavakka; tagvanelo loevetut nerrijomavakka; ômajub nujuartub mikkialârpait.

⁹ Asserornarpoᴋ ilingnut, Israêle, akkerartoramga, ikajortît akkerartorangne.

¹⁰ Atanît naneᴋâ mâna, piuliklerᴋovlugo ilingnik iglugasaksoarne tamainê? Idluarsaijitillo, oᴋautigilauᴋtatit: Tunitjiviginga atanermiglo angajoᴋâᴋsoarniglô?

¹¹ Ningarnimne tunitjivigilauᴋpagit atanermik, ningarnersoamnelo pêjalerivara.

¹² Efraimib idluituliningit ᴋelaksugauvut; ajorningit torᴋortauvut.

¹³ Arnab ernisuktûb sillimajûb kapiasungningit tikituksauvut tâpsomunga; erniovoᴋ silatuneᴋangitoᴋ; noᴋarungnaivinga ᴋitorngat anivingane neliutivoᴋ.

¹⁴ Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.

¹⁵ Kinguvâᴋarnersaugaloarame ᴋatangutiminit, anore unangâk tikilârpoᴋ, Nâlekab anoringa tikilârpoᴋ sunaᴋajuitomit, imeᴋarvingalo kigilârpoᴋ puailavingalo panilârpoᴋ; perᴋutillo pijominartut ilûnatik katersortaujut tâpsoma asserolârpait.

¹⁶ Samariab pidlartaujutiksane nangmaraksarivait; Gudine pikablâvigingmago; saviksoarmut oggotitaulârput; nutarârsungit egitaulutik serᴋalitaulârput, arnangillo singaijut sêᴋtaulârput.