Hosea 12 - Labrador Inuttitut Heritage Bible

¹ Efraimib anore aᴋᴋeartorutigivâ, unangârlo udlapâ; saglonerit asserornartullo unuksitipait ᴋaut tamât; Assirialo angiᴋatigivât, orᴋsorlo âtauvoᴋ Egiptenemut.

² Nâlegaᴋ akkerartûtiksaᴋarpoᴋ Jûdamut, Jâkolo sugiaromârpâ apᴋotigijangit maliklugit; piniarningit maliklugit akkiniaromârpâ.

³ Igliarmetillugu angajune tigumiarpâ kingmingagut; pitsartunerminelo Gude pâvâ:

⁴ Ilâ, engele pâvâ, ajugauvlunelo; ᴋeavorlo, tuksiarvigivlugolo; Beteleme naipipâ, tagvanelo oᴋaᴋatigivâtigut;

⁵ Tagva Nâlegaᴋ, katimgajoᴋsuit Gudingat; erᴋaumajutinga tagva Nâlekamik.

⁶ Tamanna pivlugo sâgiarit Gudingnut; nâpkiningneᴋ idluarsainerlo aulartailitikik, sorairnaglo Gudît nerriugvigiuk.

⁷ Niuverniarteovoᴋ, kittitautit uiveriklernartut aggangmiutarivait: uiveriklerneᴋ ᴋuviagivâ.

⁸ Efraimelo oᴋarpoᴋ: Akluipunga atso, akluinermik nagvârpunga; piniarnimne tamaine idluinermik ajorniojomik nagvârtoᴋarniangilaᴋ uvamne.

⁹ Uvangale Nâlegauvunga Gudigijat Egiptenemênerilauᴋtarnit; tupingne iniksaᴋartitsomârivagit sulle, sorlo uvlune uvloᴋsiorviojune.

¹⁰ Nelautaijut oᴋarvigilauᴋpakka, takotitjutillo unuksitilauᴋpakka; adsiujuniglo atorpunga nelautaijut kivgartorningitigut.

¹¹ Gileade idluiniovâ? Ilâ, suksaungitomarikput, Gilgaleme tunerguserput tuktuvangnik: tunerguservingille ᴋigguingortuksauvut perorsêvingne makpertertaujune.

¹² Jâkolo ᴋemâlauᴋpoᴋ Aramib naternanganut, Israêliblo nuliaksaᴋ kivgartûtigiva, nuliaksarsiniarlunelo saukanik mianersivoᴋ.

¹³ Nelautaijokullo Nâlekab Israêle Egiptenemit majorartilauᴋpâ, nelautaijomullo pairijaulauᴋpoᴋ.

¹⁴ Efraim ᴋasilinartoᴋsoarmik ningaksaivoᴋ; tamanna pivlugo aunga ᴋemaktaujomârpoᴋ tâpsomane, mitautauningalo Nâlekab utertitsomârpâ tâpsomunga.