Hiobe 8 - Labrador Inuttitut Heritage Bible

Biladdib oᴋâlaningita sivurlingit Hiobe akkerartorlugo.

¹ Tagva Bildad Suamiok kiovok, oᴋarlunelo:

² ᴋanok akkunêrtigijomik taimaitomik oᴋaromavît? ᴋannerpillo oᴋarninga annerteosajuksauva piojorijomik?

³ Isumavît Gûde nâmangitomik erᴋartuingmat, ubvalo Ajugaᴋangitûb idluarnek mumingmago?

⁴ Ernitit idluitullilaukpatta sângane: tagva tunnilaukpait idluitulliningita agganginnut.

⁵ Igville nelliutillugo Gûde najulerungne, ajugaᴋangitorlo ᴋennuvigigungne;

⁶ Ivsornaikuvillo idluitaililutillo: tagva tuppangniarpok pivlutit, nappârtiniarmilugolo idluarnivit iglunga;

⁷ Sivurngane pigilauktatit ikkitôtillugit, kingorngane pivalliadlarniarput.

⁸ Kinguvârêlle sivurlit appertsorkit, kajusilutillo atâtagilauktangit nautsertorlugit.

⁹ (Uvagut ikpeksaligapta, ᴋaujimalungilagullo sunamik; inôtsivut tachauvok nuname.)

¹⁰ Taipkoa ajuᴋertorniarpâtit tamattominga, oᴋautiniarlutillo, oᴋâlanerillo sakᴋerniarpait ômattimingnit:

¹¹ Ivît suvluggit perorsajungnaralloarkât aijungalungitomêngikunik? Iviksukallonêt perorsajungnarᴋat imeᴋaratik?

¹² Nuvugolâᴋarlutik sulle, kippijaunatik ᴋunnulerput sivurliovlutik, iviksukanit kippisimajunit tamainit.

¹³ Taimailingavut ilûnatik Gûdemik puigortut; takkomôrtublo nerriungninga assioniarpok.

¹⁴ Mannigorninga navilermat, sungertutiksangalo nikjut nulluangititunipok.

¹⁵ Iglune sungertutigivâ, itsainarniaranelo, ajakparviginiarpâ nangerniangilarlo.

¹⁶ Ipteᴋaralloarpok siᴋineaᴋârtinnago; nutaijoktungillo nutaijokput perorsêvingata ᴋollânut.

¹⁷ Mimernangit akkulaiput puailavît kiglinginne; iglune takkovâujarᴋat ᴋânginnêtillugo.

¹⁸ Tâpsomale êguniuk innigijanganit: missiarutiginiarpâ, oᴋarniarlunelo; takkolaungilagit.

¹⁹ Ahâk, tammanauvok illiorningata ᴋuviasungninga; assingillo nuilerniarput sanninginnit.

²⁰ Taimaimat takkoit, Gûdib idluitailijut egilungimagit, kassêtullo aggangit najumilungimagit;

²¹ ᴋannît tattaᴋârtinago ijornermik, kangasinâkiglo igiakomijarnermik.

²² Illingnigle illuluktut kangusuktitaunermut imusertauniarput, Gûdeᴋangitullo iglugijangit nipangniarpok.