Hiobe 37 - Labrador Inuttitut Heritage Bible

Gûdib angijoksôninga ᴋallungnerme.

¹ “Ila, ômattima tamanna kakkilârutigiva, piglertarlunelo inniminit.

² “Tussaritse, tussaritse ilâ, ᴋanok ᴋallungninga ningarusulermat, ᴋanoêtomiglo oᴋarnermik annijoᴋarmat ᴋaninganit.

³ “Ingergausadlartipâ ᴋilaub ilûnât atâne, ᴋaumalanelo nunab isunginnut.

⁴ “Kingorngane ᴋalluk ivuludlarpok, ᴋallerpok, angijoksônime nippinganut; ᴋallungningalo tussartaulerpat, nokᴋartitaujungnangilak.

⁵ “Gûde ᴋallerpok nippiminut tattamnadlartomik; angijoksoarnik piniarpok, ilitaringitaptingnik.

⁶ “Apumut oᴋaraigune: Nunamut ᴋattagit; suarutamullo, pitsartunimelo sillaluksoarninganut:

⁷ “Tagva inuit ilûnatik aggangit naiterpait, inuit, (sanajangit) illitarksilerᴋovlugit sunamik piniarungnarninganik.

⁸ “Omajok nujuartok sittimut aivok, inniminêtuarlunelo.

⁹ “Seᴋernganit sillarneluk tikkilerpok, avangallo itje.

¹⁰ “Gûdib annerninganit koarnek pivok, imaksuillo, aukserᴋojiraigune.

¹¹ “Nuvujallo avilerivut allakijarᴋovlugo, ᴋaumaningatalo takto tabligutivigivâ.

¹² “Tâpsoma pijoᴋartut, ablatsângorningit aulatipait kajusinermut sillatojomut, piniarᴋovlugit tamainik nuname perᴋojanginnik tâpkonunga;

¹³ “Pitlartaunermut, nunaminullônêt, nâpkigosungnermullônêt tikkerᴋova.

¹⁴ “Tagva kamatsiarit Hiobe; makkitit, Gûdiblo tattamnartulliningit timerokit.

¹⁵ “ᴋaujimavît, ᴋanga Gûdib taimaitut tikkerᴋoniarmangâgit tâpkonunga? ᴋangalo nuvujakotime ᴋaumaninga ᴋaumailerᴋoniarmangâgo.

¹⁶ “Nuvujat annisimaningit ᴋaujimavigît, ilisimajub nâmaktomariub tattamnartitangit?

¹⁷ “ᴋanok anorâkotitit ônarsilermangâtta, nuna innilangaleraikpat uarngnerluangmut?

¹⁸ “Illagillugo ᴋilak issiviniarkiûk, aulajuerᴋovlugo tachartûtitut kovisimajotut.

¹⁹ “Unnertutitigut, sunamik (tamna) oᴋautitaksarigaptigo; uvagut inorniarpavut târmut.

²⁰ “Unipᴋarvioniarkâ, uvanga oᴋarama? Kina oᴋarune (Gûde akkerartorlugo) ahamarik êjauniarpok.

²¹ “Mânna ᴋaumajok takkojaungilak pôktojomêdlune ᴋilangme ᴋaumaigalloartok, annorele ingergadlarniarpat tagvûna tagva allakipjarniarpok.

²² “Avangat Golde pivok, Gûdib kappianadlartub nertornautânut.

²³ “Ajugaᴋangitorle nachvârungnangilavut, angijoksoarmik pitsartunelik; tâpsoma idluarnine illiorninelo idluartok akkiniarutiginiangilak.

²⁴ “Tamanna pivlugo inuit sivôragijariaᴋarpât; tâpsomalo atauserlonêt sivôragingilâ, sillatudlaralloarpallonêt.”