Hiobe 3 - Labrador Inuttitut Heritage Bible

Hiobib ârusungninga.

¹ Tamattoma kingorngane Hiobib ᴋanine angmarpâ, inûlervinelo ôminarnerarpâ.

² Hiobelo kiovok oᴋarlunelo:

³ Uvlok tâmna inûlerviga assiolerle, unnuarlo oᴋartoᴋarvik: Angutiârsuk pijauvok.

⁴ Uvlok tâmna tâktôlerle, Gûdiblo takpângat Apperᴋutigitaililiuk; keblernerublo ᴋaumaksaiviginiarnago.

⁵ Târnerub tacharnerublo sâlagilikko, nuvujallo ivjojut ᴋânganêtsainarlit, pujublo uvlôtillugo takkoranêtiliuk.

⁶ Unnuak tâmna târmut pijaule, ᴋuviasuᴋatautaililunelo jârib uvlungita akkorngane, takᴋillonnêt unnurninginnut piniarane.

⁷ Ahâk unnuak taimna inutôle, igiaᴋomijarnermiglo pijoᴋarniarane tâpsomane.

⁸ Ominarnerartaule uvlormik ominarneraijunut, oppalungaersimajunut Leviatane tuppaksarlugo.

⁹ Uvlogatârningata uvloriangit târlit; nerriugle ᴋaumajomik tikkitaililelo; takkotaililelo ᴋaub aupalungningata ᴋablunginnik.

¹⁰ Anânama timingata upkoanga pallangairlaungimago, pijaksaungitorlo ijerlaungimago ijimnit.

¹¹ Sôg toᴋolaungilanga anânab timinganit? Sôg anernêngilaungilanga, igliamit annitualaurama?

¹² Sôg sêrᴋut illaliulaukpânga? Sôg amâmaktitaulaukîk iviangîngnut?

¹³ Tagva mânna nellanajarpunga nippeᴋarnanga, sinnigajarlungalo, merngoerserneᴋarajarlarmalo;

¹⁴ Attannît attannertuijullo nuname illagallugit, Inuᴋajuitome igluliortut;

¹⁵ Attanîllonet illagillugit Goldeᴋartut, iglomingniglo tattititsijut Silberemik;

¹⁶ Inajarpungalonêt alliktuaktun, sagvarnanga sunaunangalo; nutarârsutitut ᴋaumajomik takkolaujuitutitut.

¹⁷ Tagvane Gûdeᴋangitut sorairiaᴋarput perajaludlarlutik; tagvane merngoerserput siorniudlalauktut.

¹⁸ Tagvane ullapirsautekᴋrᴋattigêkput parngnanairsortat, tussarlungilello tetjartub nippinganik.

¹⁹ Tagvanêput tammarmik mikkijut angijullo; kivgak Angajoᴋâminillo kippaludjarsimajok.

²⁰ Sôg ᴋaumajok tunnijaumava siorniortomut, inôserlo ômattinut kiksartunut?

²¹ Toᴋomik uttakᴋijunut tikkinanelo; aggasorajartunullo tâpsominga sagvangitomit;

²² ᴋuviasuklutik igiaᴋomijarajartunut, serrijunullo Illuveᴋarniaramik;

²³ Angumullo apᴋosinelingmut ijersimajomik ulliktaumajomiglo sângane Gûdemut?

²⁴ Nerrijuksaujarangamale annersaumijariaᴋarpunga, ᴋêadlarneralo annidlarpok immektut.

²⁵ Erᴋsigilauktamale tikkisimavânga, illimagilauktamalo uvigalaukpânga.

²⁶ Pillorilaungilanga? Inilangalaungilanga? Merngoerserneᴋatsialaungilanga? Tikkitoᴋarporlo mânna uimajârnermik taimaitomik.