Hiobe 11 - Labrador Inuttitut Heritage Bible

Zofarib oᴋausingit Hiobe akkerartorlugo.

¹ Tagva Zofar Naêmamiok kiovok, oᴋarlunelo:

² Kina akkunît oᴋarune, tussartuksaunginivâ? Unuktunik oᴋauselik idluarneᴋariaᴋarᴋâ?

³ Inuit oᴋâlagaladlarnernut nippangertuksauvât, mittaᴋovlutit kinamullo kangusuktitauᴋonak?

⁴ Oᴋarpotit: Ajuᴋertusera ivsornaipok, idluartôlungalo ijikpît sângangne.

⁵ ᴋanoktôk Gûde oᴋarajarle, kangasinângnelo angmarligik illingnut;

⁶ Takkotinajarlutillo sillatunermik sagvangitomik; ᴋanok maggolivlune angijôngmat sillatunerme illitarksinermelo; ᴋanok ajornitit ilûnaitaungitok erᴋaumangmagit.

⁷ Gûdib ᴋaujimaninga nautsertormarigungnarasugiviûk, Ajugaᴋangitublônêt nâmaktomaringninga nachvârasugiviûk?

⁸ Pôktonersauvok ᴋilangmit, sunamik piniaromavît? ittinersauvok kappianartovingmit, sunamik igvit ᴋaujijungnarᴋît?

⁹ Takkinersauvok nunamit sillingnersaularmelo imarbingmit.

¹⁰ Tâmna tagvungadlarune pallangairsilunelo, erᴋartuigunelo, kia agviaromavaûk?

¹¹ Tâpsoma inuit suksaungitut illitaringmagit; nâmangitullinek takkovâ, tâmnale missigilungilak tamattominga.

¹² Angut piungitok puvermat ingminik; inuglo ômajotut nujuartotut inûtsuktut erniangolerpok.

¹³ Omattit torârtinajalaurungne, aggaktillo issalaurungne tâpsomunga;

¹⁴ Nâmangitullinek aggangnêtok ungasiktinajalaurungne illingnit, iglungne idluineᴋarungnainajarᴋovlugo:

¹⁵ Tagva kênait kagvartitsungnarajarpet nangarijaunak, pallangainajarlutillo, erᴋsitaililutillo.

¹⁶ Tagva siorniornek puigorajarpet, erᴋaumanginersarilugolo immermit ᴋângertomit.

¹⁷ Inôtsivillo nelliuninga ᴋaumanersauvlune nuilerajarpok uvlub ᴋetterarninganit; târnerlo uvlângolerajarpok ᴋaumadlartok.

¹⁸ Tamannalo mannigorutigijungnarajarpet Nerriungneᴋarmat; imertarvingniglo aggasorajarpotit, Sinniᴋarigajarlutillo.

¹⁹ Innarajarlutillo, kinamullônêllo tuppaksartauvlutit ᴋoaksârtitaunajangilatit, unuktullo sângne ᴋenunajarput.

²⁰ Gûdeᴋangitulle ijingit perlilerniarput, sungertuteᴋarningillo nipangerniarpok, nerriungningillo annernetuinauvok.