Hesekiel 7 - Labrador Inuttitut Heritage Bible

¹ Nalekab oᴋausingata tikipânga sulle oᴋarlune:

² Igvillo, inûb erninga, imâk, oᴋarpoᴋ Nâlegaᴋ Nâlegaujoᴋ Israêlib nunanganut; Naggatiksaᴋ, naggatiksaᴋ tikipoᴋ nunab terreᴋunginut sittamanut.

³ Mâna naggatiksab tikilerpâtit, ningaumajârneralo tilijomavara ilingnut, erᴋartoromavagillo iluserijatit maliklugit; maᴋojungnartulinitillo ilunaita tikiutitsomavakka ilingnut.

⁴ Ijingmalo anajaginiangilâtit, naiperᴋutigosungneᴋaromangilangalônêt; iluserijatillo tikiutitsomavakka ilingnut, maᴋojungnartulinivillo nelipsalârpâtit: missigijuksauvoselo uvanga Nâlegaugama.

⁵ Imâk oᴋarpoᴋ Nâlegaᴋ Nâlegaujoᴋ: Ogguarnartoᴋ, ogguarnartok adseungitoᴋ; ahâk, ᴋaivoᴋ.

⁶ Naggatiksaᴋ ᴋaivoᴋ, naggatiksaᴋ tikilerpoᴋ, ilingnut neliutilerpoᴋ; ahâk, tikilerpoᴋ,

⁷ Erᴋartortaunivit tikipâtit, igvit nunamiojotit, neliuneᴋ neliutilerpoᴋ, uvloᴋ ᴋanipoᴋ; uvloᴋ perajalungnelik, ᴋuviasungneliungitorlo ᴋaᴋᴋane.

⁸ Mânakut ilungertornera kovijomavara ilingnut, ningaumajârneralo nâmaksititsomavlugo ilingnut, erᴋartoromavagillo iluserijatit maliklugit; maᴋojungnartulinitillo tamaita tikiutitsomavakka ilingnut.

⁹ Ijîkkalo anajagosungniangilâk, naiperᴋutigosungneᴋaromangilangalônêt: tikitautitsomavagit iluserijatit maliklugit, maᴋojungnartulinivîllo nelipsalârpâtit; missigijuksauvoselo uvanga Nâlegaujunga annaunigama.

¹⁰ Ahâk, uvloᴋ, ahâk, ᴋaivoᴋ: erᴋartortaunît anisimavoᴋ; annaut nuvugulâktârpoᴋ, piojorineᴋ ᴋuglungajoᴋtârpoᴋ.

¹¹ Aksorotjineᴋ sôngosivlune sukkangorpoᴋ idluitulinermut; tâpkonangallo nangmineᴋ unurninginillônêt akluininginillônêt manigornartoᴋarniangilaᴋ tâpkonunga.

¹² Neliuneᴋ neliutilerpoᴋ, uvloᴋ ᴋanipoᴋ: pisiniartoᴋ ᴋuviasungniarane, aulaijorlônêt kiksarniarane: ningaumajârnerub inugiartoᴋsuit tâpkoa tamaita nelaungmagit.

¹³ Aulaijoᴋ uternialungimat aulaijaminut, inôjut akorngane inôgaloarunik sulle; takotitjut inugiartoᴋsoarnut tâpkonunga tamainut ilingangmat, uterniatsangimallo; nangminerminiglo piulijoᴋarniangilaᴋ inôgune idluitulinerme.

¹⁴ Tiptulausijarput opalungairsavullo; anijoᴋangilarle unatarnermut: ningaumajârnima nelaungmagit inugiartoᴋsuit tâpkoa tamaita.

¹⁵ Saviksoaᴋ silamêpoᴋ, nûsilingnartorlo kângnartoᴋsoarlo iglomêpuk: perorsêvingmêtut toᴋovut saviksoarmut, iglugasaksoarnêtullo kângnerub nûsilingnartublo nunguniarpait.

¹⁶ Anigoijulle anigoilârput, ᴋaᴋᴋanêlârpulle sorlo naᴋsab tingmiangititut, ilûnatik ogguarlutik idluitulinermingne.

¹⁷ Aggait ilûnatik nukkingêrutilârput, serᴋullo ilûnatik imeᴋtut sangêtigilârput.

¹⁸ Pôᴋsajanik attisilârput, ᴋeungominerublo ulilârpait; kangusungneᴋ kênanginêlârpoᴋ tamaine, merᴋoêrnerlo niaᴋungine tamaine.

¹⁹ Silbereᴋotitik egilârpait apᴋosineâlungnut, goldeᴋotitiglo aktarnerlukkotitut ilingajomârput; silbereᴋotimik goldeᴋotimiglo piulijungnalulângilait Nâlekab nigaumajârningata uvlungane; nâmaksititsilulângilat tarninginik, aᴋeartortitsilulângillalo aᴋearunginik; idluitulinermut naukiutiviksaulaungmatta.

²⁰ Keblâlâtsiarningit pingijaijutiksangortipait, adsiliorutigivaillo maᴋojungnartulinermik naggonartulinermiglo adsingoanginik; tamanna pivlugo ivsornartutitut ilingatipakka tâpkonunga.

²¹ Takorngartallo agganginut tinijomârpakka aᴋsârnigauᴋovlugit, idluitulijunullo nuname paggitauᴋovlugit; tâpkoalo ivsornaijungnaitilârpait.

²² Kênaralo allartitsomârpara tâpkonangat, ivsornaitoᴋo tigalo ivsornaijungnaitilârpât: tigligiartortullo itârvigilârpât ivsornaitilâllo.

²³ Kelaumgujaliorit: nuna nâmamat aungmik kovisijunik, iglugasaksuillo tatamatta oᴋumaiksartitsinermik.

²⁴ Tamanna pivlugo nelojut ajornerpât tikiutijomârpakka, tâpkoalo iglungit aᴋsârnigarijomârpait: sorairtitsomârparalo pitsartujut pingijainingat; ivlernartoᴋotingillo sujuktaujomârput.

²⁵ Kapianartoᴋ ᴋailerpoᴋ; ulapirᴋsautesiolârpullo, pitaᴋaromângilarle.

²⁶ Kanoetoᴋ malilârpoᴋ ᴋanoetomik, tusaumajaᴋ malilârpoᴋ tusaumajarmik. Takotitjumik ᴋeneromârput nelautaijomit; ajoᴋertuserle nûgomârpoᴋ ajoᴋertuijunit, atanertuinerlo inutoᴋaujunit.

²⁷ Ataneᴋ kiksaromârpoᴋ, ataniksallo attisilârput ᴋeungominermik, nunablo inungita aggangit mungolârput; piniarvigilârpakka iluserijangit maliklugit, pijaksauningillo maliklugit erᴋartoromârpakka; missigijuksauvullo uvanga Nâlegaugama.