Hesekiel 28 - Labrador Inuttitut Heritage Bible

¹ Nalekablo okausingata tikilerivânga, oᴋarlune:

² Inûb erninga, Tirusib angajoᴋânga oᴋautiuk: Imâk oᴋarpoᴋ Nâlegaᴋ Nâlegaujoᴋ: Omatit pingijaitoᴋsôngmat, oᴋaravillo: gudiovunga, iksivavunga Gudib iksivautaᴋsoangane, imarbiksuit ᴋerᴋâne; inutuinaugaloartilutit, gudeonaglo, ômatillo adsiutinangne Gudib ômatinganut;

³ Ahâk, ilisimanersauvotit Danielemit; nelonartoᴋangilaᴋ ijerungnartanginik ilingnit;

⁴ Ilisimanernut silatunernullo pitsartusivotit, katersilutillo goldemik silberemiglo ᴋematulivingnut;

⁵ Ilisimanersoarnut niuverniarnernullo pitsartunît angijororpat, ômatillo piojorititauvoᴋ pitsartuneᴋarnît pivlugo:

⁶ Tamanna pivlugo imâk oᴋarpoᴋ Nâlegaᴋ Nâlegaujoᴋ: Omatit adsiutinangne Gudib ômatinganut;

⁷ Tamanna pivlugo, ila, tikititsijomavunga takorngartanik ilingnut, erᴋsinarnerpânik inôᴋatigêksoarnit; saviksoatiglo amujomârpait silatunivit allianarninganut, ᴋebleringnîllo sujuklugo.

⁸ Itersamut pitilârpâtit, toᴋojuksauvotillo toᴋotaujut toᴋunganik, imarbiub ᴋerᴋâne.

⁹ Toᴋotsijivit sângane oᴋaromavêt sulle: gudeovungâ? Inutuinauvotille, gudeonaglo, ilingnik sujuijûb aggangine.

¹⁰ Toᴋojuksauvotit kipisimangitut toᴋunganik takorngartat agganginut; uvanga taimak oᴋarama, oᴋarpoᴋ Nâlegaᴋ Nâlegaujoᴋ.

¹¹ Amalo Nâlekab oᴋausingata tikipânga, oᴋarlune:

¹² Inûb erninga, Tirusib ataninga pivlugo ogguarit, oᴋautiuglo: Imâk oᴋarpoᴋ Nâlegaᴋ Nâlegaujoᴋ: Naᴋitjuteovotit innersimajoᴋ, ilisimanermik tatadlarlutit, adseᴋangitotit ânanaunerme.

¹³ Gudib perorseviane Edenemêlauᴋpotit, ujarᴋanut pivianartunut tamainut pinnarnarsititauvotit, ukkuangovut, Ruby, Topaselo, Diamantelo, Berilelo, Onikselo, Jasperelo, Saffirelo, Emeraldelo, Karbunkelelo, Goldelo; ᴋilautitit nipjautitillo senajaulauᴋput ilingne; pingortitaunivit uvlungane pijarêrtitaulauᴋput.

¹⁴ Kerubeolauᴋpotit mingoarsimajoᴋ mattojijoᴋ; ililauᴋpagillo Gudib ᴋaᴋᴋanganut ivsornaitomut; ujarᴋat ikomalit akorngane utitalauᴋpotit.

¹⁵ Iluserne tamaine nangarijaksaulaungilatit uvlormit pingortitauvigijarnit, idluineᴋ nagvârtauᴋârtinago ilingne.

¹⁶ Niuverniarnivit unurningit maliklugit, ilumerlauᴋpâtit idluinermik, idluitulivotillo: tamanna pivlugo ivsornartotut ajaktorpagit Gudib ᴋaᴋᴋanganit; pêjarpagillo Kerubiojotit mattojijoᴋ, ujarᴋat ikomalit akornganit.

¹⁷ Omatit piojorivoᴋ ânanaunît pivlugo, ilisimanîllo asserorpat pinnarnarsinît pivlugo: uvangale egipagit nunamut, pitipagit atanit sânginut takoᴋovlugit ilingnik.

¹⁸ Idluitulinivit unurninginut, niuverniarnivillo idlualungininginut, ivsornaitoviᴋotitit ivsornaijungnaitipatit; tamanna pivlugo ikoma anitipara ilungnit, tâpsomalo nunguvâtit, argjangortipagillo nuname takonârtivit ilûnatik takoane.

¹⁹ Ilûnatik inôᴋatigêksuit akorngane ilitarᴋsijut ilingnik tataminiarilârpâtit: asserornilukungoravit, itsungnaipotillo issoᴋangitomut.

²⁰ Nâlekablo oᴋausingata tikipânga, oᴋarlune:

²¹ Inûb erninga, kênait sâtiuk Sidonemut, nelautaivigiuglo,

²² Oᴋarillo: imâk oᴋarpoᴋ Nâlegaᴋ Nâlegaujoᴋ: ahâk, akkerartorpagit, Sidon, nâlengnarsijomârpungalo ilingnut, tukkisijuksauvullo uvangaugama Nâlegaᴋ, idluarsainikka nâmâksitikupkit tâpsomane, tâpsomanelo ivsornailititauleruma.

²³ Tilikleromârama nûsilingnartomik aungmiglo apᴋosineâlunginut, tagvanelo ikkilit oggolârput, saviksuillo tikilârput tâpsomunga avatânit; ᴋaujijuksauvullo uvangaugama Nâlegaᴋ.

²⁴ Kingornganelo kakkilauteᴋalulângilaᴋ Israêlib ᴋitornganginut, kapinartoᴋalulângilarlônêt tâpkonangat avatânêtunit pagvisalauᴋtunit tâpkoninga; ᴋaujijuksauvullo uvangaugama Nâlegaᴋ Nâlegaujoᴋ.

²⁵ Imâk oᴋarpoᴋ Nâlegaᴋ Nâlegaujoᴋ: Katersoisimajarêruma Israêlib ᴋitornganginik inôᴋatigêksuit siamangavigijangita akornganit, ivsornaititaugumalo tâpkonane inôᴋatigêksuit takoane, taipsomane nunaᴋalârput nunamingne tunilauᴋtamne kivgamnut Jakomut.

²⁶ Nunagijomârpâllo terliklutik; ila, iglolioromârput, vaineliksatalingniglo ilijivlutik, terliklutiglo nunagijomârpât; erᴋartuijarêruma tamainik avatinginêtunik pagvisartunik tâpkoninga; ᴋaujijuksauvullo uvangaugama Nâlegaᴋ Gudigijangat.