Hesekiel 2 - Labrador Inuttitut Heritage Bible

¹ Oᴋautivangalo: Inûb erninga, ittigangnut nikovilerit oᴋaᴋatigijomavagillo.

² Oᴋarvigingmangalo anernerub pulavânga, nikovitipângalo ittikamnut; oᴋarvigijigalo tusarpara.

³ Oᴋautivângalo: Inûb erninga, tilivagit Israêlib ᴋitornganginut, inôᴋatigêksoarnut tapatojunut, nâlegungnaitunut uvamnik: tâpkoalo atâtagilauᴋtangitalo idluitulivigivânga, uvloᴋ tamanna tikidlugo aglât.

⁴ Kitorngarêllo tiliklervigijakka ilingnik, kênaᴋarput sittijunik, ômateᴋarpullo mangaidlartunik, oᴋautijaksarivatillo: Imâk oᴋarpoᴋ Nâlegaᴋ Nâlegaujoᴋ.

⁵ Tâpkoalo, nâlamangâtalônêt nâlangimangâtalônêt, (tapatojunik ᴋitorngarêngongmatta,) ᴋaujijuksauvut nelautaijomik akunermingnêtoᴋarmat.

⁶ Igvillo, inûb erninga, erᴋsigijaksarilungilatit, oᴋausingillônêt erᴋsiginiarnagit, kakkidlarnartut kappidlarnartullo akornganêgaloaruvit, inôgaloaruvillo kingupaujârtut akorngane, oᴋausingit erᴋsigijaksaringilatit, kênangillo kapiasûtiginiarnagit, tapatojoᴋsôᴋatigêngongmatta.

⁷ Oᴋausikkale oᴋauserijaksarivatit tâpkonunga, nâlagomagunik nâlagomangikuniglônêt, nâlegomangiᴋatigêksoangongmatta.

⁸ Igville, inûb erninga, tusarit oᴋauserijamnik ilingnut; tapatoniarnak sorlo ᴋitorngarêt tâpkoa tapatongmatta; aitarsârit nerrilugolo tunijara ilingnut.

⁹ Takosaramalo, ahâk, aggait uvamnut issamijut; sunaubvalo aglait immûmajut tigumiarpait;

¹⁰ Issivipaillo sâmne; aglagviovorlo iluagut ᴋângagullo; tagvanelo ogguarnartut kiksarnartullo ᴋeanartullo aglagutauvut.