Hesekiel 19 - Labrador Inuttitut Heritage Bible

¹ Igville Israêlib angajoᴋângit oggorikit,

² Oᴋarlutillo: Anânavit suna adsigivaûk? Loeve arnaᴋ; loevit akorngane aᴋopivoᴋ, piarᴋane sârliarpait loevearait akorngane.

³ Piarᴋamelo ilangat aglisitilauᴋpâ, tâmnalo loevitsiangovoᴋ, ilisimavorlo pinasuarnermik, inuktômalunelo.

⁴ Inôᴋatigêksuillo taimailiorninga tusaumavât; pulatimingnut pulatipât, ᴋingarmiuserlugolo tikiutivât nunamut Egiptenemut.

⁵ Anânanga takogame sulingitomik utaᴋigame, nerriugijanelo assiongmat, piarᴋame aipanga tiguvâ loevitsiangortilugolo.

⁶ Tâmnalo loevit akorngane utertarpoᴋ, loevitsiangovorlo; ilisimavorlo aliktuinermik inuktômanermiglo.

⁷ Tâpsomalo taipkoa uigarningit ilitarivait, iglugasaksoangillo asserorpait; nunalo sunairutijauvoᴋ tâpsomanêtullo, tâpsoma ᴋalingoarningata nippersoanganut.

⁸ Inôᴋatigêksuit tagva pinasuariartorput tâpsominga nunanit avalinginit; nuluangillo issivitipait tâpsoma ᴋânganut; tigujauvoᴋ tagva itersâlungine.

⁹ Kingarmiusertorpâllo iniksamullo pitipât, tikiutilugolo Babilonib ataninganut; parngnanairsorpât, nippinga tusartaujungnaiᴋovlugo Israêlib ᴋaᴋᴋangine.

¹⁰ Anânavit ilingnit adsigiluarpâ vaineliksatalik, imilitsiarmut ilijaumajoᴋ: paungatâdlarpoᴋ akkeroᴋadlarlunelo imeᴋadlarnermut.

¹¹ Sôngojunik akkeroᴋarpoᴋ nâlegaujut ajaupiaksanginik, poᴋtosivullo nuvujat aktorlugit, takuksauvullo poᴋtonermingne akkeroᴋadlarnermingnelo.

¹² Ningaumajârnermele nusuktauvoᴋ, nunamut egitauvoᴋ, paungangit panertitauvut unangârmut: akkerungit sôngojut naviktauvut panersivlutiglo; ikomablo nungupait.

¹³ Mânalo sunaᴋajuitomut ilijaumavoᴋ, nunamut panertomut imaᴋangitomullo.

¹⁴ Ikomalo anisimavoᴋ akkerungita ilanganit, nungutsivoᴋ paunganginik, sôngojomik akkeroᴋarungaiᴋovlugo ajaupiaksaujomik atanermut. Tamadja ogguarutiksaᴋ, ogguarutiksaulârporlo.