Hesekiel 15 - Labrador Inuttitut Heritage Bible

¹ Nalekablo oᴋausingata tikipânga, oᴋarlune:

² Inûb erninga, napârtoᴋ vaineliksatalik ᴋanoᴋ pinersauvâ napârtunit assiminit, vaineliksataliub akkerunga, napârtoliksuit napârtungita akornganêtovinêᴋ?

³ Tigusijoᴋalârkâ ᴋejuktangata ilanganik suliarijomavlugo? Inuillônêt tigusiniarᴋât ilanganik nivingaviksaliorutigijomavlugô?

⁴ Ahâk, ikomaksatuinauvoᴋ: issûgik tamarmik nungutauvûk ikomamut, ᴋerᴋâlo aumatuinaukasakpoᴋ: senaraksamut piksauvâ?

⁵ Ahâk, iluitotilugo senaraksaulungilaᴋ: mikinersaungijaidlartomigle senaraksaunginialungilâᴋ ikomab nungusimangmago aumakotuinautilugolô?

⁶ Taimaimat imâk oᴋarpoᴋ Nâlegaᴋ Nâlegaujoᴋ: Sorlo vaineliksataliub napârtunga ingmat napârtoliksuit napârtungita akorngane, tunijama ᴋejuksauᴋovlugit ikomamut, taimak Jerusalemib inuᴋtangit tunijomagivaᴋᴋa.

⁷ Kênaralo allartitsomavara tâpkonangat; ikomamit anigaloarunik ikomab sulle nungulârpait; ᴋaujijuksaulârposelo uvanga Nâlegaugama, kênara allarapko tâpkonangat.

⁸ Nunalo sunaᴋangitungortitsomârpara, idluituliningit pivlugit; oᴋarpoᴋ Nâlegaᴋ Nâlegaujoᴋ.