Genesis 5 - Labrador Inuttitut Heritage Bible

Setekut kinguvârêt Adamemit Noa tikkidlugo.

¹ Tamadja aglait inuit kinguvârêngninginik. Taipsomane Gûdib inuk pingortinamiuk, sanavâ Gûde adsilivlugo.

² Angullo arnarlo pingortipak saimauserlugiglo inungniglo atserarlugik, taipsomane pingortitaungmannik.

³ Adamelo jâreᴋarame 130nik, ernertârpoᴋ ingmitutitomik, adsiminik; tâmna Setemik atserarpâ.

⁴ Kingorngagullo sulle jârinik 800nik inôvoᴋ, ernertârlune panniktârlarmelo.

⁵ Jâringita ilûnatik unurningit 930ovut; toᴋovorlo.

⁶ Sete jâreᴋarame 105nik, Enos ernertârivâ.

⁷ Kingorngagullo sulle jârinik 807nik inôvoᴋ, ernertârlune panniktârlarmelo.

⁸ Jâringita ilûnatik unurningit 912ovut; toᴋovorlo.

⁹ Enos jâreᴋarame 90nik, Kênan ernertârivâ.

¹⁰ Kingorngagullo sulle jârinik 815nik inôvoᴋ ernertârlune panniktârlarmelo.

¹¹ Jâringita ilûnatik unurningit 905ovut; toᴋovorlo.

¹² Kenan jâreᴋarame 70nik, Mahalalel ernertârivâ.

¹³ Kingorngagullo sulle jârinik 840nik inôvoᴋ, ernertârlune panniktârlarmelo.

¹⁴ Jâringita ilûnatik unurningit 910ovut; toᴋovorlo.

¹⁵ Mahalalel jâreᴋarame 65nik, Jâred ernertârivâ.

¹⁶ Kingorngagullo sulle jârinik 830nik inôvoᴋ, ernertârlune panniktârlarmelo.

¹⁷ Jâringita ilûnatik unurningit 895ovut; toᴋovorlo.

¹⁸ Jared jâreᴋarame 162nik, Hênog ernertârivâ.

¹⁹ Kingorngagullo sulle jârinik 800nik inôvoᴋ ernertârlune panniktârlarmelo.

²⁰ Jâringita ilûnatik unurningit 962ovut; toᴋovorlo.

²¹ Henog jâreᴋarame 65nik, Metusala ernertârivâ.

²² Metusalalo ernertârigamiuk, Hênog arvertarpoᴋ Gûde aiparivlugo jârinik 300nik sulle, ernertârlune panniktârlarmelo.

²³ Jâringita ilûnatik unurningit 365ovut.

²⁴ Hênog Gûde aiparivlugo arvertarpoᴋ; saᴋijârungnaiporlo, Gûdib tigungmago.

²⁵ Metusala jâreᴋarame 187nik, Lâmek ernertârivâ.

²⁶ Kingorngagullo sulle jârinik 782nik inôvoᴋ ernertârlune panniktârlarmelo.

²⁷ Jâringita ilûnatik unurningit 969ovut; toᴋovorlo.

²⁸ Lamek jâreᴋarame 182nik, ernertârpoᴋ.

²⁹ Tâmna Noamik atserarpâ oᴋarlune: Tâpsoma manigoromârpâtigut kappiasungniptingne aggaptalo sulijaksaᴋarningane nuname ôminarsijaujome Nâlekamut.

³⁰ Kingorngagullo sulle jârinik 595nik inôvoᴋ ernertârlune panniktârlarmelo.

³¹ Jâringita ilûnatik unurningit 777ovut; toᴋovorlo.

³² Noa jâreᴋarame 500nik, ernertârivait Semelo Hamelo Jafetelo.